anā-parast huuñ mil jā.ūñ ḳhaak meñ lekin

ḳharīd saktā nahīñ koī maal zar se mujhe

ana-parast hun mil jaun KHak mein lekin

KHarid sakta nahin koi mal zar se mujhe

ham musāfir haiñ kahāñ ghar kī taraf dekhte haiñ

har ghaḌī miil ke patthar kī taraf dekhte haiñ

hum musafir hain kahan ghar ki taraf dekhte hain

har ghaDi mil ke patthar ki taraf dekhte hain

gar kuchh nahīñ hai yaar tire paas ġham to hai

tū ḳhush-nasīb hai ki tirī aañkh nam to hai

gar kuchh nahin hai yar tere pas gham to hai

tu KHush-nasib hai ki teri aankh nam to hai

laakh tabdīliyāñ bāzāroñ meñ aa.eñ rahbar

maiñ vo sikka huuñ jo har daur meñ chal jā.ūñgā

lakh tabdiliyan bazaron mein aaen rahbar

main wo sikka hun jo har daur mein chal jaunga

pahle ye sochtā rahtā thā ki tanhā ho jā.ūñ

aaj tanhā huuñ to tanhā.ī se Dar lagtā hai

pahle ye sochta rahta tha ki tanha ho jaun

aaj tanha hun to tanhai se Dar lagta hai