faqat āñkheñ charāġhoñ kī tarah se jal rahī haiñ

kisī kī dastaras meñ hai kahāñ koī sitāra

faqat aankhen charaghon ki tarah se jal rahi hain

kisi ki dastaras mein hai kahan koi sitara

mire ḳhilāf shahādat hai mo'tabar sab kī

magar kisī se kisī kā bayāñ nahīñ miltā

mere KHilaf shahadat hai mo'tabar sab ki

magar kisi se kisi ka bayan nahin milta

mujhe dā.eroñ ke hujūm meñ kahīñ bhej de

mirī vus.atoñ ko davām kar kaf-e-kūza-gar

mujhe daeron ke hujum mein kahin bhej de

meri wusaton ko dawam kar kaf-e-kuza-gar

'aks rakhtā thā na apnī zaat meñ apnā koī

kitne chehre ā.inoñ ke sāmne rakkhe ga.e

'aks rakhta tha na apni zat mein apna koi

kitne chehre aainon ke samne rakkhe gae

havā jab kabhī sāhilī giit chheḌe hue ho

maiñ pattoñ ko taalī bajāte hue dekhtā huuñ

hawa jab kabhi sahili git chheDe hue ho

main patton ko tali bajate hue dekhta hun

kabhī us kī maujoñ meñ aflāk bahte mile haiñ

kabhī us ko kashtī chalāte hue dekhtā huuñ

kabhi us ki maujon mein aflak bahte mile hain

kabhi us ko kashti chalate hue dekhta hun

vo paanī meñ jab apnī chhab dekhtā hai to maiñ bhī

nadī chāñdnī meñ nahāte hue dekhtā huuñ

wo pani mein jab apni chhab dekhta hai to main bhi

nadi chandni mein nahate hue dekhta hun