mujh se kal mahfil meñ us ne muskurā kar baat kī

vo mirā ho hī nahīñ saktā ye pakkā kar diyā

mujh se kal mahfil mein us ne muskura kar baat ki

wo mera ho hi nahin sakta ye pakka kar diya

sabhī musāfir chaleñ agar ek ruḳh to kyā hai mazā safar kā

tum apne imkāñ talāsh kar lo mujhe parinde pukārte haiñ

sabhi musafir chalen agar ek ruKH to kya hai maza safar ka

tum apne imkan talash kar lo mujhe parinde pukarte hain

saiñt kar īmān kuchh din aur rakhnā hai abhī

āj-kal bāzār meñ mandī hai sastā hai abhī

saint kar iman kuchh din aur rakhna hai abhi

aaj-kal bazar mein mandi hai sasta hai abhi

ye kārobār-e-mohabbat hai tum na samjhoge

huā hai mujh ko bahut fā.eda ḳhasāre meñ

ye karobar-e-mohabbat hai tum na samjhoge

hua hai mujh ko bahut faeda KHasare mein

ye kyā bad-mazāqī hai gard jhāḌte kyuuñ ho

is makān-e-ḳhasta meñ yaar ham bhī rahte haiñ

ye kya bad-mazaqi hai gard jhaDte kyun ho

is makan-e-KHasta mein yar hum bhi rahte hain