ham tālib-e-shohrat haiñ hameñ nañg se kyā kaam

badnām agar hoñge to kyā naam na hogā

hum talib-e-shohrat hain hamein nang se kya kaam

badnam agar honge to kya nam na hoga

itnī na baḌhā pākī-e-dāmāñ kī hikāyat

dāman ko zarā dekh zarā band-e-qabā dekh

itni na baDha paki-e-daman ki hikayat

daman ko zara dekh zara band-e-qaba dekh

iz.hār-e-ishq us se na karnā thā 'sheftā'

ye kyā kiyā ki dost ko dushman banā diyā

izhaar-e-ishq us se na karna tha 'shefta'

ye kya kiya ki dost ko dushman bana diya

fasāne yuuñ to mohabbat ke sach haiñ par kuchh kuchh

baḌhā bhī dete haiñ ham zeb-e-dāstāñ ke liye

fasane yun to mohabbat ke sach hain par kuchh kuchh

baDha bhi dete hain hum zeb-e-dastan ke liye

hazār daam se niklā huuñ ek jumbish meñ

jise ġhurūr ho aa.e kare shikār mujhe

hazar dam se nikla hun ek jumbish mein

jise ghurur ho aae kare shikar mujhe