dīvāna-e-justujū ho gayā chāñd

bādal se gir ke kho gayā chāñd

diwana-e-justuju ho gaya chand

baadal se gir ke kho gaya chand

muḳhtasar bāt-chīt achchhī hai

lekin itnā bhī iḳhtisār na kar

muKHtasar baat-chit achchhi hai

lekin itna bhi iKHtisar na kar

paḌtī nahīñ hai dil pe tire husn kī kiran

kis samt mere chāñd daraḳhshāñ hai āj-kal

paDti nahin hai dil pe tere husn ki kiran

kis samt mere chand daraKHshan hai aaj-kal

aariz se tire sub.h kī tohmat na uThegī

zulfoñ pe tirī shaam kā ilzām rahegā

aariz se tere subh ki tohmat na uThegi

zulfon pe teri sham ka ilzam rahega

aql kuchh ziist kī kafīl nahīñ

zindagī itnī be-sabīl nahīñ

aql kuchh zist ki kafil nahin

zindagi itni be-sabil nahin