ham ne muddat se ulaT rakkhā hai kaasa apnā

dast-e-dādār tire dirham-o-dīnār pe ḳhaak

hum ne muddat se ulaT rakkha hai kasa apna

dast-e-dadar tere dirham-o-dinar pe KHak

ishq kyā kār-e-havas bhī koī āsān nahīñ

ḳhair se pahle isī kaam ke qābil ho jaao

ishq kya kar-e-hawas bhi koi aasan nahin

KHair se pahle isi kaam ke qabil ho jao

ḳhirāj maañg rahī hai vo shāh-bānu-e-shahr

so ham bhī hadiya-e-dast-e-talab guzārte haiñ

KHiraj mang rahi hai wo shah-banu-e-shahr

so hum bhi hadiya-e-dast-e-talab guzarte hain

maulā, phir mire sahrā se bin barse bādal lauT ga.e

ḳhair shikāyat koī nahīñ hai agle baras barsā denā

maula, phir mere sahra se bin barse baadal lauT gae

KHair shikayat koi nahin hai agle baras barsa dena

sunā thā maiñ ne ki fitrat ḳhalā kī dushman hai

so vo badan mirī tanhā.iyoñ ko paaT gayā

suna tha main ne ki fitrat KHala ki dushman hai

so wo badan meri tanhaiyon ko paT gaya