aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Irfan Siddiqi's Photo'

Irfan Siddiqi

1939 - 2004 | Lucknow, India

One of the most-prominent modern poets, famous for his neo-classical poetry.

One of the most-prominent modern poets, famous for his neo-classical poetry.

Sher of Irfan Siddiqi

41.5K
Favorite

SORT BY

uTho ye manzar-e-shab-tāb dekhne ke liye

ki niiñd shart nahīñ ḳhvāb dekhne ke liye

uTho ye manzar-e-shab-tab dekhne ke liye

ki nind shart nahin KHwab dekhne ke liye

badan meñ jaise lahū tāziyāna ho gayā hai

use gale se lagā.e zamāna ho gayā hai

badan mein jaise lahu taziyana ho gaya hai

use gale se lagae zamana ho gaya hai

hoshiyārī dil-e-nādān bahut kartā hai

rañj kam sahtā hai elaan bahut kartā hai

hoshiyari dil-e-nadan bahut karta hai

ranj kam sahta hai elan bahut karta hai

raat ko jiit to paatā nahīñ lekin ye charāġh

kam se kam raat nuqsān bahut kartā hai

raat ko jit to pata nahin lekin ye charagh

kam se kam raat ka nuqsan bahut karta hai

tum parindoñ se ziyāda to nahīñ ho āzād

shaam hone ko hai ab ghar taraf lauT chalo

tum parindon se ziyaada to nahin ho aazad

sham hone ko hai ab ghar ki taraf lauT chalo

badan ke donoñ kināroñ se jal rahā huuñ maiñ

ki chhū rahā huuñ tujhe aur pighal rahā huuñ maiñ

badan ke donon kinaron se jal raha hun main

ki chhu raha hun tujhe aur pighal raha hun main

ham to raat matlab samjheñ ḳhvāb, sitāre, chāñd, charāġh

aage ahvāl vo jaane jis ne raat guzārī ho

hum to raat ka matlab samjhen KHwab, sitare, chand, charagh

aage ka ahwal wo jaane jis ne raat guzari ho

jo kuchh huā vo kaise huā jāntā huuñ maiñ

jo kuchh nahīñ huā vo batā kyuuñ nahīñ huā

jo kuchh hua wo kaise hua jaanta hun main

jo kuchh nahin hua wo bata kyun nahin hua

sar agar sar hai to nezoñ se shikāyat kaisī

dil agar dil hai to dariyā se baḌā honā hai

sar agar sar hai to nezon se shikayat kaisi

dil agar dil hai to dariya se baDa hona hai

tum suno na suno haath baḌhāo na baḌhāo

Dūbte Dūbte ik baar pukāreñge tumheñ

tum suno ya na suno hath baDhao na baDhao

Dubte Dubte ek bar pukarenge tumhein

ajab harīf thā mere saath Duub gayā

mire safīne ko ġharqāb dekhne ke liye

ajab harif tha mere hi sath Dub gaya

mere safine ko gharqab dekhne ke liye

hameñ to ḳhair bikharnā thā kabhī na kabhī

havā-e-tāza jhoñkā bahāna ho gayā hai

hamein to KHair bikharna hi tha kabhi na kabhi

hawa-e-taza ka jhonka bahana ho gaya hai

ek laḌkā shahr raunaq meñ sab kuchh bhuul jaa.e

ek buḌhiyā roz chaukhaT par diyā raushan kare

ek laDka shahr ki raunaq mein sab kuchh bhul jae

ek buDhiya roz chaukhaT par diya raushan kare

sham-e-ḳhema koī zanjīr nahīñ ham-safarāñ

jis ko jaanā hai chalā jaa.e ijāzat kaisī

sham-e-KHema koi zanjir nahin ham-safaran

jis ko jaana hai chala jae ijazat kaisi

tum se mile to ḳhud se ziyāda

tum ko akelā paayā ham ne

tum se mile to KHud se ziyaada

tum ko akela paya hum ne

mere hone meñ kisī taur se shāmil ho jaao

tum masīhā nahīñ hote ho to qātil ho jaao

mere hone mein kisi taur se shamil ho jao

tum masiha nahin hote ho to qatil ho jao

sarhadeñ achchhī ki sarhad pe na ruknā achchhā

sochiye aadmī achchhā ki parinda achchhā

sarhaden achchhi ki sarhad pe na rukna achchha

sochiye aadmi achchha ki parinda achchha

ret par thak ke girā huuñ to havā pūchhtī hai

aap is dasht meñ kyuuñ aa.e the vahshat ke baġhair

ret par thak ke gira hun to hawa puchhti hai

aap is dasht mein kyun aae the wahshat ke baghair

apne kis kaam meñ lā.egā batātā bhī nahīñ

ham ko auroñ pe gañvānā bhī nahīñ chāhtā hai

apne kis kaam mein laega batata bhi nahin

hum ko auron pe ganwana bhi nahin chahta hai

maiñ chāhtā huuñ yahīñ saare faisle ho jaa.eñ

ki is ke ba.ad ye duniyā kahāñ se lā.ūñgā maiñ

main chahta hun yahin sare faisle ho jaen

ki is ke baad ye duniya kahan se launga main

ham sab ā.īna-dar-ā.īna-dar-ā.īna haiñ

kyā ḳhabar kaun kahāñ kis taraf dekhtā hai

hum sab aaina-dar-aina-dar-aina hain

kya KHabar kaun kahan kis ki taraf dekhta hai

us āñkheñ haiñ ki ik Dūbne vaalā insāñ

dūsre Dūbne vaale ko pukāre jaise

us ki aankhen hain ki ek Dubne wala insan

dusre Dubne wale ko pukare jaise

ruuh ko ruuh se milne nahīñ detā hai badan

ḳhair ye biich dīvār girā chāhtī hai

ruh ko ruh se milne nahin deta hai badan

KHair ye bich ki diwar gira chahti hai

jaane kyā Thaan ke uThtā huuñ nikalne ke liye

jaane kyā soch ke darvāze se lauT aatā huuñ

jaane kya Than ke uThta hun nikalne ke liye

jaane kya soch ke darwaze se lauT aata hun

sho.ala-e-ishq bujhānā bhī nahīñ chāhtā hai

vo magar ḳhud ko jalānā bhī nahīñ chāhtā hai

shoala-e-ishq bujhana bhi nahin chahta hai

wo magar KHud ko jalana bhi nahin chahta hai

ham ne dekhā thā duniyā ko abhī us ke baġhair

lījiye biich meñ phir dīda-e-tar aa ga.e haiñ

hum ne dekha hi tha duniya ko abhi us ke baghair

lijiye bich mein phir dida-e-tar aa gae hain

ab aa ga.ī hai sahar apnā ghar sambhālne ko

chalūñ ki jaagā huā raat bhar maiñ bhī huuñ

ab aa gai hai sahar apna ghar sambhaalne ko

chalun ki jaga hua raat bhar ka main bhi hun

kahā thā tum ne ki laatā hai kaun ishq taab

so ham javāb tumhāre savāl ke to haiñ

kaha tha tum ne ki lata hai kaun ishq ki tab

so hum jawab tumhaare sawal hi ke to hain

vo jo ik shart thī vahshat uThā ga.ī kyā

merī bastī kisī sahrā meñ basā ga.ī kyā

wo jo ek shart thi wahshat ki uTha di gai kya

meri basti kisi sahra mein basa di gai kya

hamāre dil ko ik āzār hai aisā nahīñ lagtā

ki ham daftar bhī jaate haiñ ġhazal-ḳhvānī bhī karte haiñ

hamare dil ko ek aazar hai aisa nahin lagta

ki hum daftar bhi jate hain ghazal-KHwani bhi karte hain

nafrat ke ḳhazāne meñ to kuchh bhī nahīñ baaqī

thoḌā guzāre ke liye pyaar bachā.eñ

nafrat ke KHazane mein to kuchh bhi nahin baqi

thoDa sa guzare ke liye pyar bachaen

us ko manzūr nahīñ hai mirī gumrāhī bhī

aur mujhe raah pe laanā bhī nahīñ chāhtā hai

us ko manzur nahin hai meri gumrahi bhi

aur mujhe rah pe lana bhi nahin chahta hai

jaan ham kār-e-mohabbat sila chāhte the

dil-e-sāda koī mazdūr hai ujrat kaisī

jaan hum kar-e-mohabbat ka sila chahte the

dil-e-sada koi mazdur hai ujrat kaisi

magar giraft meñ aatā nahīñ badan us

ḳhayāl DhūñDhtā rahtā hai isti.āra koī

magar giraft mein aata nahin badan us ka

KHayal DhunDhta rahta hai istiara koi

sab ko nishāna karte karte

ḳhud ko maar girāyā ham ne

sab ko nishana karte karte

KHud ko mar giraya hum ne

maiñ jhapaTne ke liye DhūñDh rahā huuñ mauqa.a

aur vo shoḳh samajhtā hai ki sharmātā huuñ

main jhapaTne ke liye DhunDh raha hun mauqa

aur wo shoKH samajhta hai ki sharmata hun

ruup dhuup kahāñ jaatī hai ma.alūm nahīñ

shaam kis tarah utar aatī hai ruḳhsāroñ par

rup ki dhup kahan jati hai malum nahin

sham kis tarah utar aati hai ruKHsaron par

kuchh ishq ke nisāb meñ kamzor ham bhī haiñ

kuchh parcha-e-savāl bhī āsān chāhiye

kuchh ishq ke nisab mein kamzor hum bhi hain

kuchh parcha-e-sawal bhi aasan chahiye

ajnabī jaan ke kyā nām-o-nishāñ pūchhte ho

bhaa.ī ham bhī usī bastī ke nikāle hue haiñ

ajnabi jaan ke kya nam-o-nishan puchhte ho

bhai hum bhi usi basti ke nikale hue hain

ai parindo yaad kartī hai tumheñ pāgal havā

roz ik nauha sar-e-shāḳh shajar suntā huuñ maiñ

ai parindo yaad karti hai tumhein pagal hawa

roz ek nauha sar-e-shaKH shajar sunta hun main

aaj tak un ḳhudā.ī se hai inkār mujhe

maiñ to ik umr se kāfir huuñ sanam jānte haiñ

aaj tak un ki KHudai se hai inkar mujhe

main to ek umr se kafir hun sanam jaante hain

ek maiñ huuñ ki is āshob-e-navā meñ chup huuñ

varna duniyā mire zaḳhmoñ zabāñ boltī hai

ek main hun ki is aashob-e-nawa mein chup hun

warna duniya mere zaKHmon ki zaban bolti hai

maiñ terī manzil-e-jāñ tak pahuñch to saktā huñ

magar ye raah badan taraf se aatī hai

main teri manzil-e-jaan tak pahunch to sakta hun

magar ye rah badan ki taraf se aati hai

uḌe to phir na mileñge rafāqatoñ ke parind

shikāyatoñ se bharī Tahniyāñ na chhū lenā

uDe to phir na milenge rafaqaton ke parind

shikayaton se bhari Tahniyan na chhu lena

havā-e-kūfa-e-nā-mehrbāñ ko hairat hai

ki log ḳhema-e-sabr-o-razā meñ zinda haiñ

hawa-e-kufa-e-na-mehrban ko hairat hai

ki log KHema-e-sabr-o-raza mein zinda hain

udaas ḳhushk laboñ par laraz rahā hogā

vo ek bosa jo ab tak mirī jabīñ pe nahīñ

udas KHushk labon par laraz raha hoga

wo ek bosa jo ab tak meri jabin pe nahin

jism ra.anā.iyoñ tak ḳhvāhishoñ bhiiḌ hai

ye tamāshā ḳhatm ho jaa.e to ghar jā.eñge log

jism ki ranaiyon tak KHwahishon ki bhiD hai

ye tamasha KHatm ho jae to ghar jaenge log

kabhī jo zahmat-e-kār-e-rafū nahīñ kartā

hamāre zaḳhm usī chārāgar ke naam tamām

kabhi jo zahmat-e-kar-e-rafu nahin karta

hamare zaKHm usi chaaragar ke nam tamam

bhuul jāoge ki rahte the yahāñ dūsre log

kal phir ābād kareñge ye makāñ dūsre log

bhul jaoge ki rahte the yahan dusre log

kal phir aabaad karenge ye makan dusre log

abhī se rāsta kyuuñ rokne lagī duniyā

khaḌe hue haiñ abhī apne rū-ba-rū ham log

abhi se rasta kyun rokne lagi duniya

khaDe hue hain abhi apne ru-ba-ru hum log

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now