تیرگی میں نور آئے گا نظر

ڈوبتے سورج کو بھی سجدہ کرو

آخری امید بھی آنکھوں سے چھلکائے ہوئے

کون سی جانب چلے ہیں تیرے ٹھکرائے ہوئے

ہمارے عہد کا یہ المیہ ہے

اجالے تیرگی سے ڈر گئے ہیں

ہجر کا دن کیوں چڑھنے پائے

وصل کی شب طولانی کر دو

بن سنور کر رہا کرو حسرتؔ

اس کی پڑ جائے اک نظر شاید

گزرے جدھر سے نور بکھیرے چلے گئے

وہ ہم سفر ہوئے تو اندھیرے چلے گئے

پہلے وقتوں میں ہو تو ہو شاید

دوستی اب حسین گالی ہے

خاک میں ملنا تھا آخر بے نشاں ہونا ہی تھا

جلنے والے کے مقدر میں دھواں ہونا ہی تھا

ابھی کچھ اور تری جستجو رلائے گی

ابھی کچھ اور بھٹکنا ہے در بدر مجھ کو

روٹھا یار منانا ہے

کوئی سوانگ رچاؤ اب

جس میں انسانیت نہیں رہتی

ہم درندے ہیں ایسے جنگل کے

سرد آہوں سے دل کی آگ بجھا

گرم اشکوں سے جام بھرتا جا

میں گہرے پانیوں کو چیر دیتا ہوں مگر حسرتؔ

جہاں پانی بہت کم ہو وہاں میں ڈوب جاتا ہوں

جنہیں تھا شوق میلہ دیکھنے کا

وہ سارے لوگ اپنے گھر گئے ہیں

وہ دن ہوا ہوئے وہ زمانے گزر گئے

بندے کا جب قیام پری زادیوں میں تھا

بس ایک ہی بلا ہے محبت کہیں جسے

وہ پانیوں میں آگ لگاتی ہے آج بھی

کبھی میں روتے روتے ہنس دیا کرتا ہوں پاگل سا

کبھی میں ہنستے ہنستے آنسوؤں سے بھیگ جاتا ہوں

ہزار چپ سہی پر اس کا بولتا چہرہ

خموش رہ کے ہمیں لا جواب کر دے گا

یہ گرم گرم سے آنسو بتا رہے ہیں یہی

ضرور آگ کہیں دل کے آس پاس لگی

ترے پیام ہی سے سرخ ہو گیا ہے بدن

کہ مینہ پڑا نہیں ہے کھل اٹھے کنول پہلے