اسرار عالم

اسرار عالم کا تعارف

شناخت: اسلامی مفکر، ماہر لسانیات

اسرار عالم 1953ء میں بھارت کے صوبہ جھارکھنڈ میں پیدا ہوئے۔ اسلامی حلقوں میں انہیں خصوصاً یہودیت، صہیونیت اور دجالیت پر اپنی تنقیدی و تجزیاتی تحریروں کی وجہ سے غیر معمولی شہرت حاصل ہوئی۔

اسرار عالم علمی و لسانی صلاحیتوں کے اعتبار سے اپنے ہم عصروں میں منفرد مقام رکھتے ہیں۔ وہ بیک وقت کئی زبانوں پر عبور رکھتے ہیں، جبکہ قدیم مردہ زبانوں جیسے عکادی اور سمیری سے بھی واقفیت رکھتے ہیں۔ ان کی تحریروں میں تاریخ، مذہب، فلسفہ، لسانیات، عالمی سیاست اور اسلامی فکر کا گہرا مطالعہ نمایاں نظر آتا ہے۔

انہوں نے صحافت اور علمی اداروں سے بھی وابستہ رہ کر خدمات انجام دیں۔ وہ دہلی سے شائع ہونے والے جماعتِ اسلامی ہند کے انگریزی جریدے Radiance کے نائب مدیر رہے، جبکہ نومبر 1995ء سے ستمبر 1996ء تک 'اردو بک ریویو' کے اعزازی مدیر بھی رہے۔ اس کے علاوہ اسلامی فقہ اکیڈمی، انڈیا میں متعدد علمی و توسیعی خطبات پیش کیے۔

اسرار عالم کی تصانیف میں معاصر فکری، سیاسی اور روحانی مباحث کو مرکزی حیثیت حاصل ہے۔ ان کی معروف کتابوں میں ’’دجال‘‘ (تین جلدیں)، ’’معرکۂ دجالِ اکبر‘‘، ’’اسلام اور اکیسویں صدی کا چیلنج‘‘، ’’امت کا بحران‘‘، ’’عالمِ اسلام کی اخلاقی صورتِ حال‘‘، ’’عالمِ اسلام کی روحانی صورتِ حال‘‘، ’’ہندتو‘‘، ’’فتنۂ دجالِ اکبر: خطرات و تدابیر‘‘، ’’یا ساری الجبل! کیا دجال کی آمد آمد ہے‘‘، ’’بین الاقوامی ایجنسیوں کا تعارف اور ان کا طریقۂ کار‘‘ اور ’’سرسید کی بصیرت‘‘ شامل ہیں۔

موضوعات

اسکالر

تمام

تعارف

ای-کتاب31

ای-کتاب31

اسرار عالم کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books