اتل اجنبی کی شاعری

اتل اجنبی کے اشعار

عجب خلوص عجب سادگی سے کرتا ہے

درخت نیکی بڑی خامشی سے کرتا ہے

سفر ہو شاہ کا یا قافلہ فقیروں کا

شجر مزاج سمجھتے ہیں راہگیروں کا

کسی درخت سے سیکھو سلیقہ جینے کا

جو دھوپ چھاؤں سے رشتہ بنائے رہتا ہے

پتوں کو چھوڑ دیتا ہے اکثر خزاں کے وقت

خود غرضی ہی کچھ ایسی یہاں ہر شجر میں ہے

یہ رہبر آج بھی کتنے پرانے لگتے ہیں

کہ پیڑ دور سے رستہ دکھانے لگتے ہیں

جب غزل میرؔ کی پڑھتا ہے پڑوسی میرا

اک نمی سی مری دیوار میں آ جاتی ہے

اجنبی تم کبھی نہ پاؤ گے

مرتبہ جو غزل میں میرؔ کا ہے