aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Chandrabhan Khayal's Photo'

چندر بھان خیال

1946 | دلی, انڈیا

نظم کے معروف شاعر

نظم کے معروف شاعر

چندر بھان خیال کے اشعار

2.1K
Favorite

باعتبار

پاس سے دیکھا تو جانا کس قدر مغموم ہیں

ان گنت چہرے کہ جن کو شادماں سمجھا تھا میں

سوچتا ہوں تو اور بڑھتی ہے

زندگی ہے کہ پیاس ہے کوئی

کیا اسی کا نام ہے رعنائیٔ بزم حیات

تنگ کمرہ سرد بستر اور تنہا آدمی

نظر میں شوخ شبیہیں لیے ہوئے ہے سحر

ابھی نہ کوئی ادھر سے دھواں دھواں گزرے

وقت اور حالات پر کیا تبصرہ کیجے کہ جب

ایک الجھن دوسری الجھن کو سلجھانے لگے

انسان کی دنیا میں انساں ہے پریشاں کیوں

مچھلی تو نہیں ہوتی بے چین کبھی جل میں

ہمارے گھر کے آنگن میں ستارے بجھ گئے لاکھوں

ہماری خواب گاہوں میں نہ چمکا صبح کا سورج

صبح آتی ہے دبے پاؤں چلی جاتی ہے

گھیر لیتا ہے مجھے شام ڈھلے سناٹا

وہ جہاں چاہے چلا جائے یہ اس کا اختیار

سوچنا یہ ہے کہ میں خود کو کہاں لے جاؤں گا

ملتا نہیں خود اپنے قدم کا نشاں مجھے

کن مرحلوں میں چھوڑ گیا کارواں مجھے

کوئی دانا کوئی دیوانہ ملا

شہر میں ہر شخص بیگانہ ملا

تم جسے سمجھے ہو دنیا اس کے آنچل کے تلے

گیسوؤں کے پیچ اور خم کے سوا کچھ بھی نہیں

لوگ منزل کی طرف لپکے ہیں لیکن

بھیڑ میں غفلت بھی شامل ہو گئی ہے

تیری پرچھائیں سمٹتی جائے گی

جیسے جیسے پھیلتا جائے گا تو

شہر میں جرم و حوادث اس قدر ہیں آج کل

اب تو گھر میں بیٹھ کر بھی لوگ گھبرانے لگے

اپنی دیواروں سے کچھ باہر نکل

صرف خالی گھر کے بام و در نہ دیکھ

لے گیا وہ چھین کر میری جوانی

اس پہ بس یوں ہی جھپٹ کر رہ گیا میں

کر گیا سورج سبھی کو بے لباس

اب کوئی سایہ کوئی پیکر نہ دیکھ

کون دہشت گرد ہے اور کون ہے دہشت زدہ

یہ سب اک ابہام پیہم کے سوا کچھ بھی نہیں

شبستاں در شبستاں ظلمتوں کی ایک یورش ہے

ہر اک دامن سے لپٹا ہے لرزتا ہانپتا سورج

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے