ڈاکٹر عابد معز

ڈاکٹر عابد معز کا تعارف

اصلی نام : سید خواجہ معز الدین

پیدائش : 25 Jan 1955 | حیدر آباد, تلنگانہ

شناخت: مزاح نگار، معالج، ماہرِ تغذیہ اور طبی ادب کے مصنف

ڈاکٹر عابد معز 25 جنوری 1955ء کو حیدرآباد میں پیدا ہوئے۔ ابتدائی اور اعلیٰ تعلیم اسی شہر میں حاصل کی۔ 1979ء میں عثمانیہ میڈیکل کالج، عثمانیہ یونیورسٹی سے ایم بی بی ایس کی ڈگری حاصل کی، جبکہ 1985ء میں نیشنل انسٹی ٹیوٹ آف نیوٹریشن اور عثمانیہ یونیورسٹی سے تغذیہ (Nutrition) میں ماسٹرز مکمل کیا۔

ڈاکٹر عابد معز نے اپنے عملی کیریئر کا آغاز محکمۂ صحت، حکومتِ آندھرا پردیش میں سول اسسٹنٹ سرجن کی حیثیت سے کیا۔ 1982ء سے 1985ء تک جیل اور عدالتِ عالیہ میں میڈیکل آفیسر کے طور پر خدمات انجام دیں۔ بعد ازاں 1987ء میں سعودی عرب منتقل ہوگئے، جہاں وزارتِ صحت، ریاض میں ماہرِ طب اور اخصائیِ تغذیہ کی حیثیت سے اگست 2010ء تک خدمات انجام دیتے رہے۔ وطن واپسی کے بعد حیدرآباد میں تصنیف، تالیف اور سماجی سرگرمیوں سے وابستہ ہوگئے۔

طب کے شعبے کے ساتھ ساتھ ڈاکٹر عابد معز نے اردو ادب، خصوصاً طنز و مزاح میں بھی نمایاں مقام حاصل کیا۔ ان کی اب تک پینتیس سے زائد کتابیں شائع ہوچکی ہیں، جن میں صحت، طب اور غذائیت سے متعلق بائیس کتابیں جبکہ طنز و مزاح پر تیرہ کتابیں شامل ہیں۔ ان کی ایک کتاب انگریزی زبان میں بھی شائع ہوئی۔ ان کی تحریروں میں شگفتگی، برجستگی، سماجی شعور اور اصلاحی انداز نمایاں نظر آتا ہے۔

ان کی ادبی خدمات کے اعتراف میں اردو اکیڈمی آندھرا پردیش، مغربی بنگال اردو اکیڈمی اور تلنگانہ اسٹیٹ اردو اکیڈمی کی جانب سے اعزازات سے نوازا گیا۔ ان کی شخصیت اور فن پر یونیورسٹی آف حیدرآباد سے ایم فل اور پی ایچ ڈی کے مقالات بھی لکھے گئے۔ ماہنامہ ’’شگوفہ‘‘ نے 2008ء میں ’’عابد معز نمبر‘‘ شائع کیا، جبکہ ماہنامہ ’’شاعر‘‘ ممبئی نے 2017ء میں ان پر خصوصی گوشہ پیش کیا۔

موضوعات

مصنف اسکالر مزاح نگار

تمام

تعارف

ای-کتاب25

ای-کتاب25

ڈاکٹر عابد معز کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books