نام سید اجتبی حسین رضوی، تخلص رضوی(ابتدائی تخلص متین)۔ ۱۹۰۸ء میں چھپرہ ، صوبہ بہار میں پیدا ہوئے ۔ ۱۹۲۵ء میں میٹریکولیشن، ۱۹۲۷ء میں آئی اے، ۱۹۲۹ء میں بی اے اور ۱۹۳۸ء میں ایم اے (فارسی) پٹنہ یونیورسٹی سے کیا۔ ۱۹۳۸ء ہی میں راجندر کالج میں لکچرر کی حیثیت سے تقرر ہوا۔ ۱۹۶۰ء میں ملت کالج میں پرنسپل کے عہدے پر فائز ہوئے۔ ۱۹۷۵ء میں ایل این متھلا یونیورسٹی میں پرو وائس چانسلر مقرر ہوئے۔ ۱۹۷۷ء میں یونیورسٹی کے عہدے سے سبک دوش ہوگئے۔ مطالعہ، تصویر کشی اور باغ بانی کا شوق رہا ہے۔ اپنے صاحب زادے کے ساتھ دربھنگہ میں ان کا قیام ہے ۔ ۱۹۵۷ء میں ان کا شعری مجموعہ ’شعلۂ ندا‘ کے نام سے شائع ہوا۔