دل بھی توڑا تو سلیقے سے نہ توڑا تم نے

بے وفائی کے بھی آداب ہوا کرتے ہیں

وطن کو پھونک رہے ہیں بہت سے اہل وطن

چراغ گھر کے ہیں سرگرم گھر جلانے میں

تم زمانے کے ہو ہمارے سوا

ہم کسی کے نہیں تمہارے ہیں

اس کو آواز دو محبت سے

اس کے سب نام پیارے پیارے ہیں

یہ سن کر میری نیندیں اڑ گئی ہیں

کوئی میرا بھی سپنا دیکھتا ہے

دل کو پھر درد سے آباد کیا ہے میں نے

مدتوں بعد تجھے یاد کیا ہے میں نے

شر سے ہے خیر کا امکاں پیدا

نور و ظلمت ہوئے جڑواں پیدا

ذہن ایسے بھی نہ بن جائیں نصابوں والے

گفتگو میں بھی ہوں الفاظ کتابوں والے

بند کمرے میں ذہن کیا بدلے

گھر سے نکلو تو کچھ فضا بدلے

اک سفر پھر مری تقدیر ہوا جاتا ہے

راستہ پاؤں کی زنجیر ہوا جاتا ہے

ناقدو تم تو مرے فن کی پرکھ رہنے دو

اپنے سونے کو میں پیتل نہیں ہونے دوں گا

آنسوؤں کے جہاں میں رہتے ہیں

ہم اسی کہکشاں میں رہتے ہیں

بنے ہیں کتنے چہرے چاند سورج

غزل کے استعاراتی افق پر

زمیں کیوں مجھ سے ٹکراتی افق پر

مرا گھر تھا مرے ذاتی افق پر