muskurāhaT lab-e-nāzuk pe nigāheñ nīchī

kis se sīkhā hai ye andāz dil-ārā.ī kā

muskurahaT lab-e-nazuk pe nigahen nichi

kis se sikha hai ye andaz dil-arai ka

ḳhaak ke zarroñ se uf uf kī sadā aatī hai

merā afsāna-e-ġham qissa-e-māzī na huā

KHak ke zarron se uf uf ki sada aati hai

mera afsana-e-gham qissa-e-mazi na hua

lazzat-e-zindagī vo kyā jaane

jis ko dard-e-jigar nahīñ hotā

lazzat-e-zindagi wo kya jaane

jis ko dard-e-jigar nahin hota

sāmnā jab huā mahshar meñ to kuchh kah na sakā

mujh se dekhā na gayā un kā pareshāñ honā

samna jab hua mahshar mein to kuchh kah na saka

mujh se dekha na gaya un ka pareshan hona

aañkh saaqī se milī jaise hī mai-ḳhāne meñ

khiñch ke mai aa ga.ī paimāne se paimāne meñ

aankh saqi se mili jaise hi mai-KHane mein

khinch ke mai aa gai paimane se paimane mein