Zameer Ki Dhadkan

Edgar Allan Poe

Ye Angrezi zabaan mein shaa'e (The Tell Tale Heart) ka tarjuma eik nafsiyaati kahaani hai jis mein eik shakhs, eik boodhe aadmi ko uski aankh se nafrat ki wajah se qatl kar deta hai. Kahaani mein wo apne aapko paagal nahi samajhta balki intihaai hoshiyaar aur hassaas saabit karne ki koshish karta hai. Aakhir mein uske zameer ki aawaaz use police ke saamne eteraaf-e-jurm par majboor kar deti hai.

Naqaab-posh Aur Surkh Maut!

Edgar Allan Poe

Paataal Aur Jhoolti Talwaar

Edgar Allan Poe

Ye kahaani 'The Pit and the Pendulum' ka Urdu tarjuma hai. Is mein eik qaidi andheri kothri mein maut ke saaye tale pada hai, jahaan jhoolti hui fauladi dhaar aahista-aahista uske dil ki taraf badh rahi hai. Har lamha khauf, be-basi aur aziyat mein guzarta hai, magar umeed ki aakhri kiran use zinda rakhti hai. Jab diwaarein sukad kar use paataal ki taraf dhakelne lagti hain to use yaqeen ho jata hai ki ab koi najaat nahi. Maut ke aakhri lamhe mein achaanak madad ka haath badhta hai aur woh jahannam jaise azaab se bach nikalta hai.

Aakhri Mulaaqaat

Edgar Allan Poe

Ye kahaani mashhoor musannif Edgar Allan Poe ki 'The Assignation' ka Urdu tarjuma hai, jo Venice ke khoobsurat pas-manzar mein Muhabbat, Husn aur Maut ki eik gahri alamiya daastaan bayaan karti hai. Kahaani eik aise daulat-mand, art ke dil-daada naujawan raees aur eik muazzaz khatoon ke gird ghoomti hai jo muaashirati bandishon aur rasm-o-riwaj ki wajah se eik nahi ho paate. Apni adhoori magar kamil muhabbat ko la-faani banaane ke liye, wo donon dunyaawi bandhanon ko tod kar khaamoshi se maut ko gale laga lete hain.

Eik Raat!

Vsevolod Mikhailovich Garshin

Mashhoor Roosi afsaana-nigaar Garshin ki ye shaahkaar kahaani asl Rusi zabaan mein ”(Noch) Ночь“ aur Angrezi mein ”A Night“ ke naam se shaye hui. Ye usi ka Urdu tarjuma hai, jis ki badaulat aap kahaani ki haqeeqi roohi kaifiyaat aur asar ko behtar taur par mahsoos kar sakenge. Mukhtasar ye ki is kahaani mein eik aise insaan ki daakhli kashmakash ki tasweer hai jo apni zindagi ki naakaamiyon, pachtaawon aur tanhaai se tang aa kar khudkushi ka faisla kar leta hai. Eik taweel raat mein wo apne maazi, apni zaat aur zindagi ke maqsad par ghaur karta hai. Garshin ne is kahaani mein insan ke andar jaari umeed aur maayusi ki jang, khud-gharzi, muhabbat aur najaat ki khwaahish ko nihaayat gahraai se pesh kiya hai. Ye mahaz khudkushi ki kahaani nahi balki us lamhe ki daastaan hai jab insan apni zaat se nikal kar zindagi ka asl mafhoom talaash karne ki koshish karta hai.

Ghubbaare Ka Dhoka

Edgar Allan Poe

Edgar Allan Poe ki kahaani Ghubbaare Ka Dhoka "The Balloon Hoax" eik mukhtasar tanziya aur tajassusi afsaana hai, jo eik akhbaari report ke andaaz mein shaae hua. Poe ne isey is qadr haqeeqat pasandaana andaaz mein likha ki bahut se qaare'een ne isey sach maan liya. Kahaani mein eik ghubbaare ke zariye Bahr-e-oqiyanoos ko ghair-mamooli mukhtasar waqt mein uboor karne ka daawa kiya jaata hai, lekin aakhir-kar maloom hota hai ki ye poori khabar eik adabi fareb thi. Is afsaane mein Poe ne sansani-khez sahaafat, sciency hairat aur insaani saada-lauhi par nihaayat dil-chasp andaaz mein tanz kiya hai, aur ye dikhaaya hai ki mustanad lahje mein likhi gayi jhooti khabar bhi logon ko aasaani se yaqeen dila sakti hai.

Sharaab Ka Phanda!

Edgar Allan Poe

Ye Edgar Allan Poe ki kahaani "The Cask of Amontillado" ka Urdu tarjuma hai, jis mein eik aadmi apne dost ko laalach de kar teh-khaane mein le jaata hai aur wahaan usey deewaar mein zinda band kar deta hai taaki us se mukammal aur khaamosh intiqaam le sake.

"Ajeeb-o-Ghareeb" Ke Farishte Ka Rangeen Tamaasha

Edgar Allan Poe

Angrezi zabaan mein shaya 'The Angel of the Odd - An Extravaganza' Edgar Allan Poe ki ye kahani eik maghroor shakhs ki hai jo zindagi ke ajeeb-o-ghareeb haadsat ko jhoot samajh kar unka mazaaq udaata hai. Eik din uske saamne botalon aur peepon se bana “Ajeeb-o-Ghareeb ka Farishta” namoodar ho kar use challenge karta hai.

Khoon Ka Jhanda

Vsevolod Mikhailovich Garshin

Berenice Ki Kahaani

Edgar Allan Poe

Berenice "Berenice – A Tale" amriki adeeb Edgar Allan Poe ki eik mashhoor khaufnaak kahaani hai, jo pehli baar 1835 mein shaye hui. Ye kahaani eik aise shakhs ki zehni zawaal ki daastaan hai jo bimaari, tanhaai aur ghair-maamooli khayaalaat ka shikaar ho kar haqeeqat aur mahaz waham ke darmiyaan farq kho deta hai. Kahaani ka raawi apni chacha-zaad Berenice ki bimaari aur badalti hui shakhsiyat ko dekhte hue eik ajeeb junoon mein mubtala ho jata hai, jiska markaz uske daant ban jaate hain. Ye kahaani khauf ke saath-saath insaani zehn ki pechidagi, bimaar takhayyul aur junoon ki tabaah-kun taaqat ka gehra mutaala bhi pesh karti hai.

Bauna Maskhara

Edgar Allan Poe

Ye Edgar Allan Poe ki ek mashhoor alamti aur intiqami kahaani hai, jo angrezi zabaan mein Hop Frog ke naam se shaye hui hai. Ye kahaani eik aise baune maskhare ki zindagi ke gird ghoomti hai jise eik zaalim baadshaah apne darbaar mein mahaz tafreeh ka zariyah samajhta hai. Hop Frog jismani kamzori ke bawajood zahaanat, bardaasht aur ghair-maamooli salaahiyaton ka malik hai, magar baadshaah ke musalsal zulm aur tazheeq ke baad uske andar intiqaam ka jazba paida hota hai. Kahaani mein Edgar Allan Poe ne taaqat ke ghuroor, insaan ki tazheel, tabaqaati zulm aur badle ki nafsiyaat ko nihaayat moassir andaaz mein pesh kiya hai. Hop Frog ka kirdaar bazaahir eik kamzor aur mazhaka-khez shakhs nazar aata hai, lekin aakhir mein wo apni aql aur mansooba-bandi se zaalim hukmuraanon ko shikast deta hai. Ye kahaani is baat ki alamat bhi hai ki musalsal zulm sahne wala insaan kabhi-kabhi apni khaamoshi ke peeche eik taaqatwar radd-e-amal chhupa sakta hai. Hop Frog khauf, tanz, alamiya aur intiqaam ka haseen imtizaj hai. Edgar Allan Poe ne is mukhtasar kahaani mein dikhaaya hai ki mazaaq aur zulm ke darmiyaan eik baareek lakeer hoti hai, aur jo log doosron ki tazheel ko tafreeh samajhte hain, wo kabhi-kabhi apne hi anjaam ka sabab ban jate hain.

Chaar Din!

Vsevolod Mikhailovich Garshin

Ye kahaani Vsevolod Garshin ke afsaane "Four Days" ka Urdu tarjuma hai, jo eik zakhmi sipaahi ki kahaani hai jo maidan-e-jang mein chaar din tak maut ke intizaar mein pada rahta hai. Apne zakhmon, pyas aur tanhaai ke dauraan wo jang, qatl aur insaniyat ke baare mein gehri sonch mein mubtila ho jata hai. Ye afsaana jang ki bahaaduri ke parde ke peeche chhupi insani aziyat aur alamiye ko be-naqaab karta hai.

Landor Ka Jhonpra

Edgar Allan Poe

Ye Edgar Allan Poe ki eik khoobsurat aur khayaal-angez kahaani 'Landor’s Cottage' hai, jis mein fitrat, husn aur funkaari ke imtizaj ko pesh kiya gaya hai. Kahaani ka raavi eik aisi pur-asraar waadi mein pahunchta hai jahaan har cheez ghair-mamooli tarteeb aur dil-kashi ka namoona hai. Vaadi mein maujood chhoti si kutiya apni saadgi ke bawajood eik khwaab-naak aur jannat-numa manzar pesh karti hai. Ye kahaani Poe ki behtareen manzar-nigaari aur husn-e-takhayyul ki umda misaal hai.

Coach-vaan Ka Qadam!

Vsevolod Mikhailovich Garshin

Garshin ka ye afsaana Russi zabaan mein "То, чего не было (To, chego ne bylo)" naam se shaaye hua, jiska Angrezi tarjuma muta'addid unwaan ("That Which Was Not", "Make-Believe", "What Was Not") se shaaye hua. Is kahaani mein insaani zindagi ke baare mein unke mahdood aur mutazaad falsafon ka eik tanziya tajziya hai. Har kirdar apne mahdood tajrube ko hi poori sacchaai samajhta hai, jabki qudrat ka nizaam un tamam nazariyaat se be-niyaaz ho kar kisi bhi lamhe sabko rond sakta hai. Musannif is haqeeqat ko numaayaan karna chaahta hai ki insaan apni be-basi aur naakaamiyon ko bhi bade-bade jazbaati aur falsafiyaana daawon se chhipaane ka aadi hai. Zindagi ki tamaam-tar bahsein aur falsafe eik haadse (kochwaan ke qadam) ke aage dam tod dete hain, aur baaqi bach jaane wale kirdaar apni maamooli choton ko bhi "azeem qurbaani" ka rang de kar jhoot aur mubaalagha-aaraai mein panaah dhund lete hain.

Surkh Phool

Vsevolod Mikhailovich Garshin

Ye kahaani Rusi musannif Vsevolod Garshin ke mashhoor afsaane 'The Red Flower' (Surkh Phool) ka Urdu tarjuma hai. Ye eik aise shadeed zehni mareez ki daastaan hai jise paagal-khaane laaya jaata hai. Mareez khud ko eik azeem aalami mission par mamoor samajhta hai jahan uska maqsad duniya se tamaam buraaiyon ka khatma karna hai. Hospital ke baagh mein uge hue eik shokh surkh phool ko vo kaainaat ki tamaam-tar buraaiyon aur manfi taaqaton ka markaz samajh baithta hai. Apne junoon mein voh is phool ko tor kar apne seene se chhupa leta hai taaki uske zahar ko apne andar jazb kar ke duniya ko shar se nijaat dila sake. Ye kahaani insaani nafsiyaat, diwaangi, aur khair-o-shar ke darmiyaan jaari eik mubham magar dardnaak jang ki akkaasi karti hai.

Usher Ki Haveli Ka Anjaam!

Edgar Allan Poe

Yeh kahaani angrezi zabaan mein 'The Fall of the House of Usher' ke naam se maujood hai. Jis mein ek raavi hai jo apne dost Roderick ki daawat par uski puraani aur weeraan haveli pahunchta hai. Wahaan Roderick aur uski judwaan bahen Madeline pur-asraar bimaariyon mein mubtala milte hain. Kuch din baad Madeline ba-zaahir mar jaati hai, lekin tadfeen ke baad wo achaanak zinda waapis aa jaati hai. Is khauf-naak manzar ko dekh kar Roderick sadme se mar jaata hai aur haveli zameen-bos ho jaati hai.

Zinda Tasveer!

Edgar Allan Poe

Ye 'Edgar Allan Poe' ki angrezi mein shaye 'The Oval Portrait' kahaani ka Urdu tarjuma hai, jis mein eik shadeed zakhmi shakhs eik matrook mahal mein raat guzarte hue eik pur-asraar baizavi tasveer dekhta hai jiski zindagi jaisi haqeeqat use hila deti hai.

Ligeia

Edgar Allan Poe

Ligeia Edgar Allan Poe ka eik shaahkaar nafsiyaati aur gothic afsaana hai, jisme mohabbat, maut, yaad-daasht aur insaani irade ki pur-asraar quwwat ko nihaayat funkaaraana andaaz mein pesh kiya gaya hai. Kahaani ka raavi apni ghair-maamooli zahaanat aur dil-kash shakhsiyat ki malik biwi Ligeia ki maut ke baad bhi uski yaad se aazaad nahi ho paata. Dusri shadi ke baawajood wo maazi ke sehar mein giraftaar rahta hai, yahan tak ki haqeeqat aur waham ki sarhadein dhundla jaati hain. Afsaane ka ikhtitaam aisa pur-asraar aur mubham hai ki qaari ko aakhir tak ye faisla karne mein dushwaari hoti hai ki wo kisi maa-fauq-ul-fitrat waqe'e ka mushaahida kar raha hai ya eik shikasta zehn ki kaifiyat ka. Ligeia ko Edgar Allan Poe ki behtreen takhleeqaat mein shumaar kiya jaata hai aur ise gothic adab aur nafsiyaati afsaane ka eik lazawal namoona samjha jaata hai.

Kaali Billi

Edgar Allan Poe

The Black Cat (Kaali Billi) mashhoor Amriki musannif Edgar Allan Poe ki tahreer karda ek bazaahir gharelu magar intehaai khaufnaak aur sabaq-aamoz mukhtasar kahaani hai, jo ek aise shakhs ki daastaan bayaan karti hai jo sharaab-noshi ki muhlik aadat ke baas akhlaaqi zawaal ka shikaar ho kar apne hi mahboob paaltu jaanwar, ek kaali billi Pluto, par tashaddud karta hai aur bil-aakhir use darakht se latka kar maar deta hai. Is zaalimaana fel ke fauran baad uska ghar aatish zadgi ka shikaar ho kar tabaah ho jaata hai aur baad mein use Pluto jaisa hi ek aur kaala billa milta hai jis ki ek aankh zaaye hoti hai aur seene par phaansi ke ghaat (Gallows) ki shakl ka ek pur-asraar nishaan ubharta hai. Is naye bille ki musalsal maujoodgi, khabt aur zameer ki malaamat use shadeed paagal-pan aur ghusse mein mubtila kar deti hai, jiske nateeje mein wo taish mein aa kar apni biwi ko qatl kar ke uski laash ko tah-khaane ki deewaar mein chun deta hai, magar aakhir-kaar usi bille ki pur-asraar cheekh police ko deewaar ke peeche chhupi laash tak pahuncha kar qaatil ko uske houlnaak anjaam tak pahuncha deti hai.

Chori-shuda Khat

Edgar Allan Poe

Choori shuda khat (The Purloined Letter) mashhoor Amriki musannif Edgar Allan Poe (Edgar Allan Poe) ki tahreer-karda eik shaahkar jaasoosi kahaani hai, jis mein markazi kirdaar C. Auguste Dupin apni ghair maamooli zahaanat aur gehri mushaahidaati salaahiyat se eik pecheeda raaz hal karta hai kahaani mein Paris ki police eik nihaayat aham khat talaash karne mein naakaam rahti hai jise eik taaqatwar wazeer ne chura liya hota hai. Dupin insaanon ki umoomi soch se hat kar, mujrim ki nafsiyaat, aadaton aur sochne ke andaaz ko samajhte hue ye maaloom kar leta hai ki khat kahaan chhupaaya gaya hai. Wo apne mantiqi andaaz-e-fikr aur hikmat-e-amali se police ki is naakaami ko shaandaar kaamyaabi mein badal deta hai. Ye kahaani aql, fahm, gahre nafsiyaati mushaahide aur zehni bartari ki eik behtreen aur shaandaar misaal hai.

Eik Mukhtasar Daastaan-e-mohabbat

Vsevolod Mikhailovich Garshin

Yeh kahaani maroof Rusi musannif Vsevolod Garshin (ویسی وولود گارشن) ki qalami takhleeq hai. Rusi zaban mein yeh "Очень коротенький роман" (Ochen Korotenkiy Roman) ke unwaan se maroof hai, jabki Angrezi zabaan mein "A Very Short Romance" ke naam se shaye hui. Yeh is ka Urdu tarjuma hai. Yeh afsana mohabbat, eesaar aur mahroomi ki eik nihaiyat dardnak daastaan hai. Ismein eik naujawaan sipaahi apni mehbooba Masha ki aarzoo par maidaan-e-jang ka rukh karta hai aur watan ki khatir bahaaduri se ladte hue apna eik pair ganwa baithta hai. Jab woh lautata hai toh use maloom hota hai ki Masha kisi aur se rishta-e-izdiwaaj mein munsalik ho rahi hai, magar wo uski masarrat ki khaatir khamoshi se khud ko uski zindagi se alag kar leta hai. Garshin ne is afsaane mein jang ke jismaani aur roohani zakhmon ko badi gahraai se qalam-band kiya hai. Mukhtasar hone ke bawajood ye kahaani insaani mohabbat, qurbaani aur tanhaai ke shadeed ehsaas ko nihaayat moassir andaaz mein ujaagar karti hai.