raushnī saare ghar meñ hotī thī

ham ne dekhā hai lālTain kā daur

raushni sare ghar mein hoti thi

hum ne dekha hai lalTain ka daur

mujh se bāteñ karo mohabbat kī

tālib-e-'ilm huuñ maiñ urdu kā

mujh se baaten karo mohabbat ki

talib-e-'ilm hun main urdu ka

ek jalte bujhte manzar ke havāle kar diyā

zindagī tujh ko muqaddar ke havāle kar diyā

ek jalte bujhte manzar ke hawale kar diya

zindagi tujh ko muqaddar ke hawale kar diya

ai amīrī agar hai tujh meñ dam

kisī darvesh se ulajh kar dekh

ai amiri agar hai tujh mein dam

kisi darwesh se ulajh kar dekh

dekhā mujhe to kahne lage tū ye kis liye

dastak diye baġhair mire ghar meñ aa gayā

dekha mujhe to kahne lage tu ye kis liye

dastak diye baghair mere ghar mein aa gaya

vaqt-e-iftār tum bhī aa jaanā

merī āñkheñ bhī roza kholeñgī

waqt-e-iftar tum bhi aa jaana

meri aankhen bhi roza kholengi

zindagī ko 'azāb hone do

husn ko be-naqāb hone do

zindagi ko 'azab hone do

husn ko be-naqab hone do

dariyā ke paar ham to kabhī ke utar ga.e

kuchh log ās-pās the jaane kidhar ga.e

dariya ke par hum to kabhi ke utar gae

kuchh log aas-pas the jaane kidhar gae

zehn jab fikr ke hisār meñ thā

dil kahāñ apne iḳhtiyār meñ thā

zehn jab fikr ke hisar mein tha

dil kahan apne iKHtiyar mein tha

mere hī jism ke zindāñ meñ mujhe ai 'najmī'

qaid kar rakkhā hai ḳhud merī anā ne mujh ko

mere hi jism ke zindan mein mujhe ai 'najmi'

qaid kar rakkha hai KHud meri ana ne mujh ko

abhī mausam nahīñ hai zaḳhmoñ kā

abhī phīkā hai rang ġhazloñ kā

abhi mausam nahin hai zaKHmon ka

abhi phika hai rang ghazlon ka