dozaḳh o jannat haiñ ab merī nazar ke sāmne

ghar raqīboñ ne banāyā us ke ghar ke sāmne

dozaKH o jannat hain ab meri nazar ke samne

ghar raqibon ne banaya us ke ghar ke samne

laa.e us but ko iltijā kar ke

kufr TuuTā ḳhudā ḳhudā kar ke

lae us but ko iltija kar ke

kufr TuTa KHuda KHuda kar ke

samjhā hai haq ko apne hī jānib har ek shaḳhs

ye chāñd us ke saath chalā jo jidhar gayā

samjha hai haq ko apne hi jaanib har ek shaKHs

ye chand us ke sath chala jo jidhar gaya

butoñ kī galī chhoḌ kar kaun jaa.e

yahīñ se hai ka.aba ko sajda hamārā

buton ki gali chhoD kar kaun jae

yahin se hai kaba ko sajda hamara

kyā lutf jo ġhair parda khole

jaadū vo jo sar pe chaḌh ke bole

kya lutf jo ghair parda khole

jadu wo jo sar pe chaDh ke bole