پھنیشور ناتھ رینو کے افسانے

تیسری قَسم: عرف مارے گئے گلفام

گاؤں کے لوگوں کی سادہ لوحی اور ان کے جذبات کی ترجمانی کرنے والی عمدہ کہانی ہے۔ ہیرا من بیل گاڑی چلاتا ہے، ایک دن وہ نوٹنکی کمپنی کی اداکارہ ہیرا بائی کو بیٹھا کر میلے تک لے جاتا ہے اور پھر اس کے عشق میں گرفتار ہو جاتا ہے۔ میلہ ختم ہوتے ہی جب ہیرا بائی ٹرین سے واپس چلی جاتی ہے تو ہیرا من بھی اپنے گاؤں چلا جاتا ہے اور وہ قسم کھاتا ہے کہ اب کبھی نوٹنکی کی سواری کو نہیں بٹھائے گا۔ اس کہانی میں جزئیات نگاری کے ذریعے کہانی کار نے گاؤں کے لوگوں کی سادگی، چھوٹی چھوٹی آرزوؤں، تمناؤں، خواہشوں اور ان کی سوچ کو بہت خوبصورتی کے ساتھ بیان کیا ہے۔

اچھے آدمی

اجاگر نے دونوں کیتلیوں کو تازے چولہے پر چڑھاکر سامنے، پورب کی طرف دیکھا۔ رات سے ہی برسات کا موسم شباب پر ہے۔ سورج اگاہے یا نہیں، پتا نہیں چلتا۔ بادل ہلکی پروائی کے جھونکے پر امڈے آ رہے ہیں۔ دور پھوہیاورشا (ہلکی بارش) میں پیڑ کی پتیاں چھپ رہی ہیں۔ سامنے۔۔۔

تھیٹر والا

حالانکہ اسے پچاسوں بار پہلے بھی دیکھ چکا ہوں لیکن اس دن اسے دیکھ کر چونک سا اٹھا۔ لگا جیسے بنا موسم کا کوئی پھول یا پھل دیکھ رہا ہوں۔ ساون بھادوں کی کچ کچ میں لگاتار بارش کہاں سے آ گئی؟ کیوں؟ میں ہی نہیں، اسے دیکھ کر سبھی جاننے والے، انجان حیران