جانے کیوں لوگ مرا نام پڑھا کرتے ہیں

میں نے چہرے پہ ترے یوں تو لکھا کچھ بھی نہیں

چھپی ہے ان گنت چنگاریاں لفظوں کے دامن میں

ذرا پڑھنا غزل کی یہ کتاب آہستہ آہستہ

شام ہوئی تو سورج سوچے

سارا دن بے کار جلے تھے

تیری چاہت کی ہے اتنی شدت

پا لیا تجھ کو تو مر جاؤں گا

پہلی سانس پہ میں رویا تھا آخری سانس پہ دنیا

ان سانسوں کے بیچ میں ہم نے کیا کھویا کیا پایا

میری شہرت کے پیچھے ہے

ہاتھ بہت رسوائی کا

تیرے میرے بیچ نہیں ہے خون کا رشتہ پھر بھی کیوں

تیری آنکھ کے سارے آنسو میری آنکھ سے بہتے ہیں

کیسے تنہا رات کٹے گی

یادوں کی گٹھری ہی کھولیں

جس پر تمام عمر بہت ناز تھا مجھے

میرا وہ علم میری سفارش نہ بن سکا

کچھ رشتے ہیں جن کی خاطر

جیتے جی مرنا ہوتا ہے

میں تو سب کچھ بھول چکا ہوں

تو بھولے تو بات برابر

ساری بے رنگ سوچ کے چہرے

لفظ پہنیں تو پھر نکھرتے ہیں

رنگ تیرا اڑا اڑا سا ہے

لگ گئی ہے تجھے نظر شاید

شنکر بنا کے لوگ مجھے پوجتے رہے

مجبوریوں میں زہر نگلنا پڑا مجھے

آگ لگائی تم نے ہی تو

لوگوں نے تو صرف ہوا دی

ساری ساری رات میں جاگا

وہ میری آنکھوں میں سویا

مجھ کو یاد رہا تو بھولا

بات ہے یہ تو عادت کی

کھیل کود کر شام ڈھلے کیوں

اپنے گھر کو جاتی دھوپ

بھیک دے کر نہ جانے کیا لیں گے

اک بھکارن ڈری ڈری سوچے