Shayari of Qamar Rais Bahraichi

Sher of Qamar Rais Bahraichi

apnoñ ke darmiyāñ bhī ghuTan se lagī mujhe

rishtoñ kī justujū ye kahāñ le ke aa ga.ī

apnon ke darmiyan bhi ghuTan se lagi mujhe

rishton ki justuju ye kahan le ke aa gai

maiñ kaise maan luuñ vo masīhā-e-vaqt hai

kirdār us kā lā.eq-e-dastār bhī nahīñ

main kaise man lun wo masiha-e-waqt hai

kirdar us ka laeq-e-dastar bhi nahin

royā tamām umr vo shabnam ke saath saath

phir kyoñ kahūñ ki dard-e-gul-e-tar meñ kuchh na thā

roya tamam umr wo shabnam ke sath sath

phir kyon kahun ki dard-e-gul-e-tar mein kuchh na tha

parda-e-shab se nikalne kā nahīñ letā naam

aaj sūraj hī saverā nahīñ hone detā

parda-e-shab se nikalne ka nahin leta nam

aaj suraj hi sawera nahin hone deta

merā qātil jo mire ḳhuun se tar lagtā hai

sar uThā.e to hai sharminda magar lagtā hai

mera qatil jo mere KHun se tar lagta hai

sar uThae to hai sharminda magar lagta hai

Read in App