ریاض توحیدی

ریاض توحیدی کا تعارف

تخلص : 'ریاض توحیدی'

اصلی نام : ریاض احمد بٹ

پیدائش : 01 Dec 1973 | کشمیر

شناخت: افسانہ نگار اور ناقد

ریاض توحیدی کشمیری (اصل نام: ریاض احمد بٹ) یکم دسمبر 1973ء کو ضلع کپواڑہ (جموں و کشمیر) کے علاقے راجوار، وزری پورہ، تحصیل ہندوارہ میں پیدا ہوئے۔ ابتدائی تعلیم گورنمنٹ ہائی اسکول وزری پورہ اور بارہویں تک کی تعلیم گورنمنٹ ہائر سیکنڈری اسکول ہندوارہ سے حاصل کی۔ بعد ازاں گورنمنٹ ڈگری کالج ہندوارہ سے بی اے کیا اور کشمیر یونیورسٹی سے 2001ء میں ایم اے (اردو) کی ڈگری حاصل کی۔ اسی جامعہ کے اقبال انسٹی ٹیوٹ سے 2004ء میں اقبالیات میں ایم فل اور 2007ء میں پی ایچ ڈی مکمل کی۔

ریاض توحیدی کا شمار جموں و کشمیر کی معاصر اردو ادبی شخصیات میں ہوتا ہے۔ انہوں نے افسانہ نگاری، تنقید اور اقبالیات میں اہم خدمات انجام دی ہیں۔ ان کی تحریروں میں انسانی نفسیات، سماجی حقیقتوں، ثقافتی تنوع اور اخلاقی و فکری مسائل کا گہرا شعور نمایاں ہے، جس نے انہیں ادبی حلقوں میں ایک منفرد شناخت عطا کی ہے۔

ان کے باقاعدہ ادبی سفر کا آغاز 2002ء میں مضمون 'ڈاکٹر خلیفہ عبدالحکیم بحیثیت اقبال شناس' سے ہوا، جو اردو اکادمی دہلی کے ماہنامہ "ایوانِ اردو" میں شائع ہوا۔ اس کے بعد سے ان کے متعدد مضامین اور افسانے مختلف ادبی رسائل و جرائد میں چھپ چکے ہیں۔ ان کی تصانیف میں افسانوی مجموعہ "کالے دیوؤں کا سایہ"، افسانوی تجزیوں پر مبنی "معاصر اردو افسانہ: تفہیم و تجزیہ"، نیز "جہانِ فسانہ" اور "جہانِ اقبال" وغیرہ شامل ہیں۔ افسانوی ادب، افسانوی تنقید اور اقبالیات کے میدان میں ان کی خدمات کو علمی و ادبی حلقوں میں اہمیت سے دیکھا جاتا ہے۔

موضوعات

مصنف ناقد فکشن رائٹر

تمام

تعارف

ای-کتاب7

افسانہ13

افسانچہ3

نظم5

ای-کتاب7

ریاض توحیدی کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books