Sajjad Baqar Rizvi
Ghazal 57
Nazm 6
Sher-o-Shayari 18
hamāre dam se hai raushan dayār-e-fikr-o-suḳhan
hamāre baad ye galiyāñ dhuāñ dhuāñ hoñgī
hamare dam se hai raushan dayar-e-fikr-o-suKHan
hamare baad ye galiyan dhuan dhuan hongi
har rañg har āhañg mire sāmne aajiz
maiñ koh-e-ma.ānī kī bulandī pe khaḌā huuñ
har rang har aahang mere samne aajiz
main koh-e-maani ki bulandi pe khaDa hun
mirā ġhazāl ki vahshat thī jis ko saa.e se
lipaT gayā mire siine se aadmī kī tarah
mera ghazal ki wahshat thi jis ko sae se
lipaT gaya mere sine se aadmi ki tarah
pahle chādar kī havas meñ paañv phailā.e bahut
ab ye dukh hai paañv kyuuñ chādar se bāhar aa gayā
pahle chadar ki hawas mein panw phailae bahut
ab ye dukh hai panw kyun chadar se bahar aa gaya
Article 1
BOOKS 5
RELATED Authors
-
Faheem Aazmi
Brother
