قطع ہوتی جا رہی ہیں زندگی کی منزلیں

ہر نفس اپنی جگہ چلتی ہوئی تلوار ہے

برابر خفا ہوں برابر منائیں

نہ تم باز آؤ نہ ہم باز آئیں

قیامت ہے یہ کہہ کر اس نے لوٹایا ہے قاصد کو

کہ ان کا تو ہر اک خط آخری پیغام ہوتا ہے

یہ بازی محبت کی بازی ہے ناداں

اسے جیتنا ہے تو ہارے چلا جا

محبت معنی و الفاظ میں لائی نہیں جاتی

یہ وہ نازک حقیقت ہے جو سمجھائی نہیں جاتی

تمنا ہے یہی دل کی وہیں چلئے وہیں چلئے

وہ محفل آہ جس محفل میں دنیا لٹ گئی اپنی

ابھی تو دل میں ہلکی سی خلش محسوس ہوتی ہے

بہت ممکن ہے کل اس کا محبت نام ہو جائے

سننے میں آ رہے ہیں مسرت کے واقعات

جمہوریت کا حسن نمایاں ہے آج کل