تحسین فراقی کی شاعری

تحسین فراقی کے اشعار

میں جن گلیوں میں پیہم بر سر گردش رہا ہوں

میں ان گلیوں میں اتنا خار پہلے کب ہوا تھا

سطح دریا کا یہ سفاک سکوں ہے دھوکا

یہ تری ناؤ کسی وقت ڈبو سکتا ہے

مجھ سا انجان کسی موڑ پہ کھو سکتا ہے

حادثہ کوئی بھی اس شہر میں ہو سکتا ہے

پھر اس کی یاد نے دستک دل حزیں پر دی

پھر آنسوؤں میں نہاں اس کے خد و خال ہوئے

میں کہاں اور کہاں شاعری میں نے تو فقط

مجلس شعر بپا کی تو تمہارے لیے کی

بہار اب کے جو گزری تو پھر نہ آئے گی

بچھڑنے والے بچھڑتے سمے یہ کہہ گئے ہیں

یہ طے ہوا ہے کہ شعر و ادب کے پیمانے

ہمارے شہر کا اک یک فنا ہی طے کرے گا