Shayari of Talib Dehlavi

Sher of Talib Dehlavi

shaiḳh-e-haram kā zikr nahīñ hai mire nadīm

pīr-e-muġhāñ ke kashf-o-karāmat kī baat hai

shaiKH-e-haram ka zikr nahin hai mere nadim

pir-e-mughan ke kashf-o-karamat ki baat hai

bashar miTTī kā putlā hī sahī zer-e-falak 'tālib'

mohabbat se magar ye ḳhaak bhī iksīr bantī hai

bashar miTTi ka putla hi sahi zer-e-falak 'talib'

mohabbat se magar ye KHak bhi iksir banti hai

but-ḳhāne meñ bhī nūr-e-ḳhudā dekhtā huuñ maiñ

jī haañ ye mere husn-e-aqīdat kī baat hai

but-KHane mein bhi nur-e-KHuda dekhta hun main

ji han ye mere husn-e-aqidat ki baat hai

kuchh us kā fitrat-e-āzād par qaabū nahīñ chaltā

ye duniyā to har ik ke paañv kī zanjīr bantī hai

kuchh us ka fitrat-e-azad par qabu nahin chalta

ye duniya to har ek ke panw ki zanjir banti hai

vo musht-e-ḳhāk jo parvāna-e-dil-gīr bantī hai

jigar kī aag bujh jaatī hai jab iksīr bantī hai

wo musht-e-KHak jo parwana-e-dil-gir banti hai

jigar ki aag bujh jati hai jab iksir banti hai

Read in App