hazār baar nigāhoñ se chuum kar dekhā

laboñ pe us ke vo pahlī sī ab miThās nahīñ

hazar bar nigahon se chum kar dekha

labon pe us ke wo pahli si ab miThas nahin

rāsta sunsān thā to muḌ ke dekhā kyuuñ nahīñ

mujh ko tanhā dekh kar us ne pukārā kyuuñ nahīñ

rasta sunsan tha to muD ke dekha kyun nahin

mujh ko tanha dekh kar us ne pukara kyun nahin

dostoñ ke saath din meñ baiTh kar hañstā rahā

apne kamre meñ vo jā kar ḳhuub royā raat bhar

doston ke sath din mein baiTh kar hansta raha

apne kamre mein wo ja kar KHub roya raat bhar

dhuup ke bādal baras kar jā chuke the aur maiñ

oḌh kar shabnam kī chādar chhat pe soyā raat bhar

dhup ke baadal baras kar ja chuke the aur main

oDh kar shabnam ki chadar chhat pe soya raat bhar

maiñ ne apnī ḳhvāhishoñ kā qatl ḳhud hī kar diyā

haath ḳhūn-ālūd haiñ in ko abhī dhoyā nahīñ

main ne apni KHwahishon ka qatl KHud hi kar diya

hath KHun-alud hain in ko abhi dhoya nahin