har ik manzar bhigonā chāhtī hai

udāsī ḳhuub ronā chāhtī hai

har ek manzar bhigona chahti hai

udasi KHub rona chahti hai

kyā zarūrī hai ki har baat tumhārī mānūñ

baat apnī bhī ka.ī baar na maanī maiñ ne

kya zaruri hai ki har baat tumhaari manun

baat apni bhi kai bar na mani main ne

mustaqil ik be-yaqīnī ik musalsal intizār

phir achānak ek chehra jā-ba-jā raushan huā

mustaqil ek be-yaqini ek musalsal intizar

phir achanak ek chehra ja-ba-ja raushan hua

maiñ agar TuuTā to saarā shahr bikhregā 'nabīl'

aisā patthar huuñ fasīl-e-shahr kī buniyād kā

main agar TuTa to sara shahr bikhrega 'nabil'

aisa patthar hun fasil-e-shahr ki buniyaad ka

yuuñ lagtā hai saarī duniyā band hai merī muTThī meñ

jis dam merī unglī pakḌe merā beTā chaltā hai

yun lagta hai sari duniya band hai meri muTThi mein

jis dam meri ungli pakDe mera beTa chalta hai

jaane vaalā saal to phir bhī jaise taise biit gayā

is duniyā ko rakhnā maulā aane vaale saal meñ ḳhush

jaane wala sal to phir bhi jaise taise bit gaya

is duniya ko rakhna maula aane wale sal mein KHush

ik ta.āruf to zarūrī hai sar-e-rāh-e-junūñ

dasht vaale na.e barbād ko kab jānte haiñ

ek taaruf to zaruri hai sar-e-rah-e-junun

dasht wale nae barbaad ko kab jaante hain

tamām shahr ko tārīkiyoñ se shikva hai

magar charāġh kī bai.at se ḳhauf aatā hai

tamam shahr ko tarikiyon se shikwa hai

magar charagh ki baiat se KHauf aata hai

sarā-e-ishq meñ baiThe hue haiñ dil vaale

aur ek āḳhirī tohmat ke intizār meñ haiñ

sara-e-ishq mein baiThe hue hain dil wale

aur ek aaKHiri tohmat ke intizar mein hain

maiñ aur kitne sitāroñ ko Dūbtā dekhūñ

siyāh raat kī kashtī se ab utaar mujhe

main aur kitne sitaron ko Dubta dekhun

siyah raat ki kashti se ab utar mujhe

musalsal dhund halkī raushnī bhīge hue manzar

ye kin barsī huī āñkhoñ kī nigrānī meñ aa.e haiñ

musalsal dhund halki raushni bhige hue manzar

ye kin barsi hui aankhon ki nigrani mein aae hain

pyaas kī soñdhī mahak sahrā kī vīrānī meñ rakh

aur sairābī kā dukh bahte hue paanī meñ rakh

pyas ki sondhi mahak sahra ki virani mein rakh

aur sairabi ka dukh bahte hue pani mein rakh

'nabīl' ret meñ sikke talāsh karte hue

maiñ apnī puurī javānī gañvā.e baiThā huuñ

'nabil' ret mein sikke talash karte hue

main apni puri jawani ganwae baiTha hun

kyoñ nahīñ dekhtā hai vo muḌ kar

mar ga.iiñ raah meñ sadā.eñ kyā

kyon nahin dekhta hai wo muD kar

mar gain rah mein sadaen kya

kal chāñd Dagmagā ke samundar meñ gir gayā

phaile hue sitāroñ kī bandish ke bāvajūd

kal chand Dagmaga ke samundar mein gir gaya

phaile hue sitaron ki bandish ke bawajud

mirā tarīqa zarā muḳhtalif hai sūraj se

jahāñ pe Duubā vahīñ se ubharne vaalā huuñ

mera tariqa zara muKHtalif hai suraj se

jahan pe Duba wahin se ubharne wala hun

tumhārā saath agar ho to joḌ saktā huuñ

vo silsila jo sar-e-dāstān TuuT gayā

tumhaara sath agar ho to joD sakta hun

wo silsila jo sar-e-dastan TuT gaya

vo kuchh pal jin kī ThanDī chhāñv meñ tum ho hamāre

vahī kuchh pal to jīvan-bhar kā hāsil ho ga.e haiñ

wo kuchh pal jin ki ThanDi chhanw mein tum ho hamare

wahi kuchh pal to jiwan-bhar ka hasil ho gae hain

aane vāloñ kī mohabbat hī bahut hai mujh ko

jaane vāloñ se kahāñ koī shikāyat hai mujhe

aane walon ki mohabbat hi bahut hai mujh ko

jaane walon se kahan koi shikayat hai mujhe

ye būñdeñ pahlī bārish kī ye soñdhī ḳhushbū maaTī kī

ik koyal baaġh meñ kuukī hai āvāz yahāñ tak aa.ī hai

ye bunden pahli barish ki ye sondhi KHushbu maTi ki

ek koyal bagh mein kuki hai aawaz yahan tak aai hai

sher kā tiir kisī kā ho agar dil ko lagā

kahne vaale ko bahut dil se duā dī ham ne

sher ka tir kisi ka ho agar dil ko laga

kahne wale ko bahut dil se dua di hum ne

ye kis zamīñ kī kashish khīñchtī hai mere qadam

ye kaun log bulāte haiñ mujh ko apnī taraf

ye kis zamin ki kashish khinchti hai mere qadam

ye kaun log bulate hain mujh ko apni taraf

hamārā hijr kyā hai raushnī kā ek vaqfa

isī vaqfe meñ hai simTī huī vus.at hamārī

hamara hijr kya hai raushni ka ek waqfa

isi waqfe mein hai simTi hui wusat hamari

tum ne āvāz ko zanjīr se kasnā chāhā

dekh lo ho ga.e ab haath tumhāre zaḳhmī

tum ne aawaz ko zanjir se kasna chaha

dekh lo ho gae ab hath tumhaare zaKHmi

ek taḳhtī amn ke paiġhām kī

Taañg diije ūñche mīnāroñ ke beach

ek taKHti amn ke paigham ki

Tang dije unche minaron ke beach

yūñhī vo bhī pūchhtā hai tum kaise ho kis haal meñ ho

yūñhī maiñ bhī kah detā huuñ sab kuchh achchhā chaltā hai

yunhi wo bhi puchhta hai tum kaise ho kis haal mein ho

yunhi main bhi kah deta hun sab kuchh achchha chalta hai

guzar rahā huuñ kisī ḳhvāb ke ilāqe se

zamīñ sameTe hue āsmāñ uThā.e hue

guzar raha hun kisi KHwab ke ilaqe se

zamin sameTe hue aasman uThae hue

usī kī chashm-e-kushāda meñ rang bante haiñ

usī pe ḳhatm hai qāmat bhī mah-jabīnī bhī

usi ki chashm-e-kushada mein rang bante hain

usi pe KHatm hai qamat bhi mah-jabini bhi

charāġh kī thartharātī lau meñ har os qatre meñ har kiran meñ

tumhārī āñkheñ kahāñ nahīñ thiiñ tumhārā chehra kahāñ nahīñ thā

charagh ki thartharaati lau mein har os qatre mein har kiran mein

tumhaari aankhen kahan nahin thin tumhaara chehra kahan nahin tha

haath ḳhālī na the jab ghar se ravāna huā maiñ

sab ne jholī meñ mirī apnī zarūrat rakh dī

hath KHali na the jab ghar se rawana hua main

sab ne jholi mein meri apni zarurat rakh di

bujhī-bujhī sī ye bāteñ dhuāñ-dhuāñ lahja

kisī 'azāb meñ andar se jal rahe ho kyā

bujhi-bujhi si ye baaten dhuan-dhuan lahja

kisi 'azab mein andar se jal rahe ho kya

savāl thā ki justujū 'azīm hai ki aarzū

so yuuñ huā ki 'umr-bhar javāb likh rahe the ham

sawal tha ki justuju 'azim hai ki aarzu

so yun hua ki 'umr-bhar jawab likh rahe the hum

lahrāyā hai paanī kā dhanak-rang dupaTTa

barsāt ne ghanghor ghaTāoñ se nikal kar

lahraya hai pani ka dhanak-rang dupaTTa

barsat ne ghanghor ghaTaon se nikal kar

shā.erī ishq ġham rizq kitābeñ ghar-bār

kitnī samtoñ meñ ba-yak-vaqt guzar hai merā

shaeri ishq gham rizq kitaben ghar-bar

kitni samton mein ba-yak-waqt guzar hai mera

roz dastak sī koī detā hai siine meñ 'nabīl'

roz mujh meñ kisī āvāz ke par khulte haiñ

roz dastak si koi deta hai sine mein 'nabil'

roz mujh mein kisi aawaz ke par khulte hain

merī āvārgī ke qadam chuum kar

raqs kartī rahī rahguzar der tak

meri aawargi ke qadam chum kar

raqs karti rahi rahguzar der tak

saikḌoñ rangoñ kī bārish ho chukegī us ke baad

itr meñ bhīgī huī shāmoñ kā manzar aa.egā

saikDon rangon ki barish ho chukegi us ke baad

itr mein bhigi hui shamon ka manzar aaega

maiñ niiñd kyā tire bāzār-e-shab meñ le aaya

phir is ke baad to ḳhvāboñ kā bhaav aur baḌhā

main nind kya tere bazar-e-shab mein le aaya

phir is ke baad to KHwabon ka bhaw aur baDha

jaane kitne sūrajoñ kā faiz hāsil hai use

us mukammal raushnī se jo milā raushan huā

jaane kitne surajon ka faiz hasil hai use

us mukammal raushni se jo mila raushan hua

qaid kar ke ghar ke andar apnī tanhā.ī ko maiñ

muskurātā gungunātā ghar se bāhar aa gayā

qaid kar ke ghar ke andar apni tanhai ko main

muskuraata gungunata ghar se bahar aa gaya

ek jaise roz-o-shab kī dhuul hai a.asāb par

koī be-tartīb lamha merī yaksānī meñ rakh

ek jaise roz-o-shab ki dhul hai aasab par

koi be-tartib lamha meri yaksani mein rakh

bahtā huuñ maiñ dariyā kī ravānī se kahīñ duur

ik pyaas mujhe laa.ī thī paanī se kahīñ duur

bahta hun main dariya ki rawani se kahin dur

ek pyas mujhe lai thi pani se kahin dur

ādatan suljhā rahā thā gutthiyāñ kal raat maiñ

dil pareshāñ thā bahut aur mas.ala koī na thā

aadatan suljha raha tha gutthiyan kal raat main

dil pareshan tha bahut aur masala koi na tha

ḳhatm hone ko hai hukūmat-e-shab

ik na.ī sub.h sham.a-dān meñ hai

KHatm hone ko hai hukumat-e-shab

ek nai subh shama-dan mein hai

e'tibār-e-dostī kā rang huuñ

be-yaqīnī meñ utar jā.ūñgā maiñ

e'tibar-e-dosti ka rang hun

be-yaqini mein utar jaunga main

ajab rūThe hue logoñ se apnī āshnā.ī hai

na milne kā hamesha ik bahāna saath rakhte haiñ

ajab ruThe hue logon se apni aashnai hai

na milne ka hamesha ek bahana sath rakhte hain

bhed bharī āvāzoñ kā ik shor bharā hai siine meñ

khul kar saañs nahīñ lene kī shart hai goyā jiine meñ

bhed bhari aawazon ka ek shor bhara hai sine mein

khul kar sans nahin lene ki shart hai goya jine mein

bikhar rahī thī havāoñ meñ e.atibār kī raakh

aur intizār kī muTThī meñ zindagī kam thī

bikhar rahi thi hawaon mein eatibar ki rakh

aur intizar ki muTThi mein zindagi kam thi

bahkā to bahut bahkā sañbhlā to valī Thahrā

is chāk-garebāñ kā har rang nirālā thā

bahka to bahut bahka sanbhla to wali Thahra

is chaak-gareban ka har rang nirala tha

chāñd taare ik diyā aur raat kā komal badan

sub.h-dam bikhre paḌe the chaar sū merī tarah

chand tare ek diya aur raat ka komal badan

subh-dam bikhre paDe the chaar su meri tarah