tū bahr-e-ishq meñ dil ko ham-āġhosh-e-talātum rakh

ye vo motī hai jo parvarda-e-sāhil nahīñ hotā

tu bahr-e-ishq mein dil ko ham-aghosh-e-talatum rakh

ye wo moti hai jo parwarda-e-sahil nahin hota

vo agar sho.ala-zan-e-dil hoñ to husn-e-iltifāt

dil agar shikva-kun-e-soz-e-darūñ ho nang hai

wo agar shoala-zan-e-dil hon to husn-e-iltifat

dil agar shikwa-kun-e-soz-e-darun ho nang hai

aao ġham-e-pursish kyā maiñ shikve se baaz aaya

tum chaar qadam pīchhe kyoñ ho saf-e-mehshar se

aao gham-e-pursish kya main shikwe se baz aaya

tum chaar qadam pichhe kyon ho saf-e-mehshar se

jab huā anjuman-e-gul meñ varūd-e-shabnam

murtasam dil pe tirā naqsh-e-kaf-e-pā dekhā

jab hua anjuman-e-gul mein warud-e-shabnam

murtasam dil pe tera naqsh-e-kaf-e-pa dekha

le kar añgḌā.ī uThī jab nigah-e-husn-e-talab

zarre zarre meñ unheñ anjuman-ārā dekhā

le kar angDai uThi jab nigah-e-husn-e-talab

zarre zarre mein unhen anjuman-ara dekha

aao ġham-e-pursish kyā maiñ shikve se baaz aaya

tum chaar qadam pīchhe kyoñ ho saf-e-mehshar se

aao gham-e-pursish kya main shikwe se baz aaya

tum chaar qadam pichhe kyon ho saf-e-mehshar se

sar-e-jamshed ko ḳhisht-e-ḳhum-e-sahbā se Takrā deñ

gadā-e-mai-kada bhī kis qadar maġhrūr hote haiñ

sar-e-jamshed ko KHisht-e-KHum-e-sahba se Takra den

gada-e-mai-kada bhi kis qadar maghrur hote hain

mātam na kyoñ karūñ dil-e-sāhil-nasīb kā

is bahr-e-zindagī meñ talātum hayāt hai

matam na kyon karun dil-e-sahil-nasib ka

is bahr-e-zindagi mein talatum hayat hai

tū gulshan-e-hayāt se nasīm kī tarah guzar

fareb-e-ḳhār-o-ḳhas na khā asīr-e-rang-o-bū na ho

tu gulshan-e-hayat se nasim ki tarah guzar

fareb-e-KHar-o-KHas na kha asir-e-rang-o-bu na ho

kalī ke siine maiñ raaz maḳhfī guloñ ke 'āriz pe husn 'uryāñ

tirā jamāl-e-bahār-ārā kahīñ nihāñ hai kahīñ 'ayāñ hai

kali ke sine main raaz maKHfi gulon ke 'ariz pe husn 'uryan

tera jamal-e-bahaar-ara kahin nihan hai kahin 'ayan hai

dil-e-īzā-talab ko muzhda-e-ārām be-ma.anī

ye vo kashtī hai jo tūfān se Takrā.ī jaatī hai

dil-e-iza-talab ko muzhda-e-aram be-mani

ye wo kashti hai jo tufan se Takrai jati hai

bachā sakeñge na ye naġhma-hā-e-chang-o-rabāb

sipar uThā ki tū maidān-e-kār-zār meñ hai

bacha sakenge na ye naghma-ha-e-chang-o-rabab

sipar uTha ki tu maidan-e-kar-zar mein hai

ye gul-e-ātish-ba-jāñ ye lāla-e-raushan-zamīr

ai nasīm-e-sub.h tū ne to charāġhāñ kar diyā

ye gul-e-atish-ba-jaan ye lala-e-raushan-zamir

ai nasim-e-subh tu ne to charaghan kar diya

nigāh-e-husn se azal jau kauñdī thī

vo barq dekh mire sāġhar-e-sharāb meñ hai

nigah-e-husn se azal jau kaundi thi

wo barq dekh mere saghar-e-sharab mein hai

sham.a ne khīñche vo tasvīr-e-ma.āl-e-zindagī

har nasīm-e-sub.h ke jhoñke pe tharrātā huuñ maiñ

shama ne khinche wo taswir-e-maal-e-zindagi

har nasim-e-subh ke jhonke pe tharraata hun main

namāz kyā laġhzish-e-qadam bhī hai mustajāb us kī bārgah meñ

agar mayassar huzūr-e-dil ho gunāh bhī be-vuzū na karnā

namaz kya laghzish-e-qadam bhi hai mustajab us ki bargah mein

agar mayassar huzur-e-dil ho gunah bhi be-wuzu na karna

kalī ke siine maiñ raaz maḳhfī guloñ ke 'āriz pe husn 'uryāñ

tirā jamāl-e-bahār-ārā kahīñ nihāñ hai kahīñ 'ayāñ hai

kali ke sine main raaz maKHfi gulon ke 'ariz pe husn 'uryan

tera jamal-e-bahaar-ara kahin nihan hai kahin 'ayan hai