is safar meñ niiñd aisī kho ga.ī

ham na so.e raat thak kar so ga.ī

is safar mein nind aisi kho gai

hum na soe raat thak kar so gai

haañ unhīñ logoñ se duniyā meñ shikāyat hai hameñ

haañ vahī log jo akasr hameñ yaad aa.e haiñ

han unhin logon se duniya mein shikayat hai hamein

han wahi log jo akasr hamein yaad aae hain

ye charāġh jaise lamhe kahīñ rā.egāñ na jaa.eñ

koī ḳhvāb dekh Daalo koī inqilāb laao

ye charagh jaise lamhe kahin raegan na jaen

koi KHwab dekh Dalo koi inqilab lao

dil kī khetī suukh rahī hai kaisī ye barsāt huī

ḳhvāboñ ke bādal aate haiñ lekin aag barastī hai

dil ki kheti sukh rahi hai kaisi ye barsat hui

KHwabon ke baadal aate hain lekin aag barasti hai

zindagī DhūñDh le tū bhī kisī dīvāne ko

us ke gesū to mire pyaar ne suljhā.e haiñ

zindagi DhunDh le tu bhi kisi diwane ko

us ke gesu to mere pyar ne suljhae hain

ham ne apne jiine kī ye raah nikālī yaaro

har dariyā par thoḌī thoḌī pyaas bujhā lī yaaro

hum ne apne jine ki ye rah nikali yaro

har dariya par thoDi thoDi pyas bujha li yaro

bijliyāñ DhūñDh rahī haiñ koī girne kī jagah

itne mahfūz nahīñ aaj nasheman vaale

bijliyan DhunDh rahi hain koi girne ki jagah

itne mahfuz nahin aaj nasheman wale

kaise koī tasvīr banā.ūñ rang uḌe jaate haiñ

ghole kitne rang magar hai chāñd kā pyāla ḳhālī

kaise koi taswir banaun rang uDe jate hain

ghole kitne rang magar hai chand ka pyala KHali

ġhair añdhere kī āñkhoñ meñ ghol ke aañsū apne

jab raat aa.ī shauq-e-sahar kī sham' jalālī yaaro

ghair andhere ki aankhon mein ghol ke aansu apne

jab raat aai shauq-e-sahar ki sham' jalali yaro

kabhī maqtal rahā hogā yaqīnan

jahāñ zanjīr kī jhankār Thahrī

kabhi maqtal raha hoga yaqinan

jahan zanjir ki jhankar Thahri

mere saath mirā sūraj hai mere saath mirā saaya

tanhā.ī to un kī dekhūñ jin ke saath zamāna hai

mere sath mera suraj hai mere sath mera saya

tanhai to un ki dekhun jin ke sath zamana hai

sar-ba-kaf ghar se nikalnā to hai shart-e-avval

itnā āsān nahīñ chāk-garebāñ honā

sar-ba-kaf ghar se nikalna to hai shart-e-awwal

itna aasan nahin chaak-gareban hona

dasht-e-junūñ kī zid hai ki likh ḳhairiyat kā ḳhat

maiñ pūchhtā huuñ kis ko likhūñ aur kahāñ likhūñ

dasht-e-junun ki zid hai ki likh KHairiyat ka KHat

main puchhta hun kis ko likhun aur kahan likhun

mazā aatā nasīhat meñ bhī shāyad

agar nāseh zarā dīvāna hotā

maza aata nasihat mein bhi shayad

agar naseh zara diwana hota

lagtā hai shahroñ meñ junūñ ke mausam ab nahīñ aate

ham to sahrā meñ baiThe haiñ dhuup kā farsh bichhā.e

lagta hai shahron mein junun ke mausam ab nahin aate

hum to sahra mein baiThe hain dhup ka farsh bichhae

malmal kī saarī hai tan par hāthoñ meñ pichkārī hai

ham ne sunā hai us kī galī meñ holī kī tayyārī hai

malmal ki sari hai tan par hathon mein pichkari hai

hum ne suna hai us ki gali mein holi ki tayyari hai

dhuup kaḌī hai saaya mat de saa.e kā imkān to hai

ai sahrā tujh se to hamārī itnī purānī yaarī hai

dhup kaDi hai saya mat de sae ka imkan to hai

ai sahra tujh se to hamari itni purani yari hai

mahak pahchāntī hai ḳhūn-e-dil kī

zamīn-e-kūcha-e-dildār Thahrī

mahak pahchanti hai KHun-e-dil ki

zamin-e-kucha-e-dildar Thahri

maiñ ik ghā.il būḌhā bargad merī baat suno

lagtā hai kal har vaadī se sahrā niklegā

main ek ghail buDha bargad meri baat suno

lagta hai kal har wadi se sahra niklega

sannāTā peḌoñ par baiThā sannāTā har chhat par

sannāTe se sab Darte haiñ kaun āvāz lagā.e

sannaTa peDon par baiTha sannaTa har chhat par

sannaTe se sab Darte hain kaun aawaz lagae

apnā sar vo kaise jhukā.e is sāgar kī chaukhaT par

gangā jī ke taT par yaaro jis jogī kā Thikāna hai

apna sar wo kaise jhukae is sagar ki chaukhaT par

ganga ji ke taT par yaro jis jogi ka Thikana hai

sūliyāñ nasb rahīñ qaht-e-junūñ hai bhī to kyā

kuchh na kuchh ab bhī nikal ā.eñge gardan vaale

suliyan nasb rahin qaht-e-junun hai bhi to kya

kuchh na kuchh ab bhi nikal aaenge gardan wale

na jab ahl-e-ḳhirad ne baat maanī

to phir shart-e-salīb-o-dār Thahrī

na jab ahl-e-KHirad ne baat mani

to phir shart-e-salib-o-dar Thahri

us ke gulābī ruḳhsāroñ par phailī buuñd pasīne kī

yā kachnār ke dāman par ye os kī halkī dhārī hai

us ke gulabi ruKHsaron par phaili bund pasine ki

ya kachnar ke daman par ye os ki halki dhaari hai

jis ko mil jaanā ho mil jaao magar mushkil se

dekho is shahr meñ aanā to na āsāñ honā

jis ko mil jaana ho mil jao magar mushkil se

dekho is shahr mein aana to na aasan hona

jis ke aage aage bādal jis ke pīchhe ḳhush-bū

ham sahrā vāloñ tak koī vo mausam le aa.e

jis ke aage aage baadal jis ke pichhe KHush-bu

hum sahra walon tak koi wo mausam le aae

kal kī jānib dekheñ kaise ek baḌī dushvārī hai

aañkh uThānā sahl nahīñ hai sapnā itnā bhārī hai

kal ki jaanib dekhen kaise ek baDi dushwari hai

aankh uThana sahl nahin hai sapna itna bhaari hai

jaag aur dāmān-e-vahshat chaak kar

sirf āñkheñ hī na mal ai bamba.ī

jag aur daman-e-wahshat chaak kar

sirf aankhen hi na mal ai bambai

ḳhizāñ ke rang bhī aise bure nahīñ lekin

ye rang Thiik nahīñ mere ḳhūb-rū ke liye

KHizan ke rang bhi aise bure nahin lekin

ye rang Thik nahin mere KHub-ru ke liye

kal jin āñkhoñ meñ ugā karte the ḳhvāb

aaj un meñ kal kā andeshe milā

kal jin aankhon mein uga karte the KHwab

aaj un mein kal ka andeshe mila

kahīñ sūraj mile to us se kahnā

hamārī raat lambī ho rahī hai

kahin suraj mile to us se kahna

hamari raat lambi ho rahi hai

ham barsoñ se patthar ke is shahr meñ haiñ

kaisā hai shīshe kā jahāñ mā'lūm nahīñ

hum barson se patthar ke is shahr mein hain

kaisa hai shishe ka jahan ma'lum nahin

ab to zarūrat kī ik pagḌī hai yāroñ ke kandhoñ par

ham logoñ ke saath yahāñ se rasm-e-salīb-o-dār uThī

ab to zarurat ki ek pagDi hai yaron ke kandhon par

hum logon ke sath yahan se rasm-e-salib-o-dar uThi

kyoñ itne maġhrūr haiñ 'rāhī' kyoñ itnā itrāte haiñ

gangā taT vīrān na hogā ik un ke uTh jaane se

kyon itne maghrur hain 'rahi' kyon itna itraate hain

ganga taT viran na hoga ek un ke uTh jaane se

gayā na koī mire baa'd kū-e-qātil tak

taras gayā kaf-e-qātil rag-e-gulū ke liye

gaya na koi mere ba'd ku-e-qatil tak

taras gaya kaf-e-qatil rag-e-gulu ke liye

jis kī pyaas ko kam paḌtī ho sahrā kī pahnā.ī bhī

us kī pyaas na naapī jaa.e saaqī ke paimāne se

jis ki pyas ko kam paDti ho sahra ki pahnai bhi

us ki pyas na napi jae saqi ke paimane se

terī mahfil meñ vafā kī to koī qadr nahīñ

haañ magar tazkira-e-ahl-e-vafā hotā hai

teri mahfil mein wafa ki to koi qadr nahin

han magar tazkira-e-ahl-e-wafa hota hai

ahl-e-junūñ kī aahaT sun kar dasht-e-vafā bechain huā

har har goshe se pichhlī zanjīroñ kī jhankār uThī

ahl-e-junun ki aahaT sun kar dasht-e-wafa bechain hua

har har goshe se pichhli zanjiron ki jhankar uThi