aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chand mere ghar mein utra tha kahin Duba na tha

Arif Abdul Mateen

chand mere ghar mein utra tha kahin Duba na tha

Arif Abdul Mateen

MORE BYArif Abdul Mateen

    chāñd mere ghar meñ utrā thā kahīñ Duubā na thā

    ai mire sūraj abhī aanā tirā achchhā na thā

    maiñ ne sun thī tire qadmoñ aahaT duur se

    na aa.egā kabhī dil meñ mire dhaḌkā na thā

    maiñ ne dekhā thā sar-e-ā.īna ik paikar aks

    hū-ba-hū ham-shakal thā merā magar mujh na thā

    kyuuñ jhulas Daalā hai us ne mere ḳhadd-o-ḳhāl ko

    vaqt ik dariyā thā lekin aag dariyā na thā

    band paanī ke bhañvar meñ kho ga.ī kashtī mirī

    aañkh jal-thal thī magar aañsū koī Tapkā na thā

    maiñ na dāmān-e-charāġh-e-be-navā ban kar jalā

    thī talab jhoñke mujh ko aur jhoñkā na thā

    ghuum kar dekhā to thā jis raah par tanhā ravāñ

    bhiiḌ itnī thī ki chalne ko vahāñ rastā na thā

    maiñ ki vus.at tamannā meñ bagūlā ban gayā

    ret ke zarre the dāman meñ mire sahrā na thā

    kāhish-e-soz-o-ziyāñ ne raakh kar Daalā mujhe

    maiñ ne samjhā thā ki ye sho.ala yahāñ jaltā na thā

    mere sahrā tapish ko dekh kar hairāñ na thā

    abr ghir kar bārhā aayā magar barsā na thā

    apne bachchoñ tabassum dekh kar 'ārif' batā

    ghar vīrānī tujh ko shikva-e-bejā na thā

    chand mere ghar mein utra tha kahin Duba na tha

    ai mere suraj abhi aana tera achchha na tha

    main ne sun li thi tere qadmon ki aahaT dur se

    tu na aaega kabhi dil mein mere dhaDka na tha

    main ne dekha tha sar-e-aina ek paikar ka aks

    hu-ba-hu ham-shakal tha mera magar mujh sa na tha

    kyun jhulas Dala hai us ne mere KHadd-o-KHal ko

    waqt ek dariya tha lekin aag ka dariya na tha

    band pani ke bhanwar mein kho gai kashti meri

    aankh jal-thal thi magar aansu koi Tapka na tha

    main na daman-e-charagh-e-be-nawa ban kar jala

    thi talab jhonke ki mujh ko aur tu jhonka na tha

    ghum kar dekha to tha jis rah par tanha rawan

    bhiD itni thi ki chalne ko wahan rasta na tha

    main ki wusat ki tamanna mein bagula ban gaya

    ret ke zarre the daman mein mere sahra na tha

    kahish-e-soz-o-ziyan ne rakh kar Dala mujhe

    main ne samjha tha ki ye shoala yahan jalta na tha

    mere sahra ki tapish ko dekh kar hairan na tha

    abr ghir kar barha aaya magar barsa na tha

    apne bachchon ka tabassum dekh kar 'arif' bata

    ghar ki virani ka tujh ko shikwa-e-beja na tha

    Source:

    Funoon(Jadeed Ghazal Number: Volume-002) (Pg. 178)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now