یہ کتاب علم تصوف کے اہم مسائل اور مباحث کا خزینہ ہے جو حیات و کائنات کی حقیقت اور وجود واجب تعالیٰ کو سمجھنے میں معاون ہے۔ یہ سالکین راہ طریقت، جدید فلسفہ، علم نفسیات اور علم طبعیات کے طلبہ اور عام مسلمانوں کے تزکیہ نفس اور عرفان الہی کے لیے یکساں مفید ہے۔ اس کا مقصد مبتدیوں کو فن معارف کے بنیادی اصولوں سے روشناس کرانا ہے تاکہ وہ اس علم میں مزید گہرائی سے قدم رکھ سکیں۔

شاہ ولی اللہ کے پوتے اور حضرت شاہ عبد الغنی کے بیٹے۔ ان کی تعلیم و تربیت ان کے چچا شاہ عبدالعزیز کے زیر سایہ ہوئی۔سید احمد بریلوی نے سکھوں کے خلاف جو جہاد کیا تھا شاہ اسماعیل اس میں اُن کے دست راست رہے اور بالاخر بالاکوٹ ضلع ہزارہ میں شہید ہوئے۔بالاکوٹ میں ہی سید احمد بریلوی کے ساتھ مدفون ہیں۔ان کی مشہور کتاب تقویۃ الایمان ہے اس کے علاوہ اصول فقہ، منصب امامت، عبقات، مثنوی سلک نور اور تنویر العینین فی اثبات رفع الیدین بھی اس کی تصانیف ہیں۔

آپ نامور محدث ومجاہد، حضرت شاہ عبد الغنی دہلویؒ کے فرزند، حضرت شاہ عبد العزیزدہلویؒ، حضرت شاہ رفیع الدین دہلویؒ اور شاہ عبد القادر دہلویؒ کے بھتیجے اور حضرت شاہ ولی اللہ دہلویؒ کے پوتے اور حضرت شاہ عبد الرحیم دہلویؒ کے پرپوتے تھے۔