سید سبط علی صبا کی شخیت میں سادگی کی ساتھ ساتھ ایک اکھڑپن بھی نظر آتا ہے اور کم وبیش یہی وصف ان کی شاعری میں بھی دیکھی جاتی ہے۔ ان کے مجموعہ کلام 'ابر سنگ' کی شاعری میں روزمرہ کے تجربے اور اخلاقی ناقدری پر ان کی جھنجھلاہٹ کو شدت کے ساتھ محسوس کیا جا سکتا ہے۔

نام سید سبط علی اور تخلص صبا تھا۔ ۱۱؍نومبر ۱۹۳۵ء کو کوٹلی لوہاراں ،ضلع سیالکوٹ میں پید اہوئے۔ ابتدائی تعلیم رڑکی(بھارت) اور سیالکوٹ سے حاصل کی۔ پاکستان آرمی میں ۱۹۵۳ء سے ۱۹۶۰ء تک ملازم رہے۔ ۱۹۶۵ء کی جنگ میں کھیم کرن کے محاذ پر دفاعی خدمات انجام دیں۔ بعدازاں اپنی عمر کے آخری دنوں تک پاکستان آرڈیننس فیکٹریز، واہ کینٹ میں ملازم رہے۔ ۱۴؍ مئی ۱۹۸۰ء کو حرکت قلب بند ہوجانے کی وجہ سے ان کا انتقال ہوگیا ۔ ان کے انتقال کے بعد ’’طشت مراد‘‘ کے نام سے ان کا شعری مجموعہ ۱۹۸۶ء میں چھپا۔ بحوالۂ:پیمانۂ غزل(جلد دوم)،محمد شمس الحق،صفحہ:306