زیر نظر مجموعہ نعتیہ و مناجاتی و اصلاحی کلام پر مشتمل ہے۔ پہلے حصے میں حمد باری ہے اور اس کے بعد نعتیہ کلام کا آغاز ہوا ہے پھر طرحی و غیر طرحی کلام پیش کیا گیا ہے۔ اس کا ایک حصہ رمضان المبارک کے فضائل پر مشتمل ہے اور آخر میں نکاح کی خوبیاں اور امت وسط کی مدح سرائی میں شاندار اشعار پیش کیے گئے ہیں۔ ۔ کلام پڑھنے کے بعد یہ احساس ہوتا ہے کہ شاعرہ حضورؐ پُر نور سے والہانہ محبت و عقیدت رکھنے والی شخصیت ہیں۔ کتاب کی مصنفہ کے بارے میں معروف ہے کہ وہ سماجی خدمات اور اصلاح معاشرہ پر اپنی توجہ مرکوز رکھتی ہیں۔ ایک لکچرر ہونے کے باوجود دوسروں کے دکھ درد کو دور کرنے کی کوشش میں ہمہ وقت لگی رہتی ہیں ۔ یہی وجہ ہے کہ ان کے اشعار میں نصیحت آموز باتیں جگہ جگہ ملتی ہیں۔ نعتیہ کلام کے علاوہ فکر آخرت کے تعلق سے بھی ان کے بہت سے اشعار ہیں جو ذہن و فکر میں نورانیت پیدا کرتے ہیں۔ ٹائیٹل اور آخری صفحہ کا ڈیزائن نہایت ہی خوبصورت اور جنت نشاں لگتا ہے ۔