ہمیں جب سے محبت ہو گئی ہے

ہمیں جب سے محبت ہو گئی ہے

یہ دنیا خوبصورت ہو گئی ہے

ہیں لپٹے دھند میں دل کش نظارے

ندی خاموش ہے چپ ہیں کنارے

ہے ایک چھوٹی سی کشتی اور ہم ہیں

چلے جاتے ہیں لہروں کے سہارے

سہانی اپنی سنگت ہو گئی ہے

یہ دنیا خوبصورت

میں کھیتوں میں بنی پگڈنڈیوں پر

تمہارا ہاتھ تھامے چل رہا ہوں

ہے پگھلا شام کے سورج کا سونا

مگر میں صرف تم کو دیکھتا ہوں

عجب اس دل کی حالت ہو گئی ہے

یہ دنیا خوبصورت

فضاؤں میں نئی اک روشنی ہے

ہواؤں میں عجب سی تازگی ہے

تم اس وادی میں مجھ سے مل رہی ہو

زمیں لگتا ہے جیسے گا رہی ہے

نئی رت کی مہورت ہو گئی ہے

یہ دنیا خوبصورت

یہ سارے لوگ بالکل بے خبر ہیں

میں دل ہی دل میں سپنے بن رہی ہوں

نگاہیں جو تمہاری کہہ رہی ہیں

میں ان آنکھوں سے وہ سب سن رہی ہوں

انوکھی اپنی چاہت ہو گئی ہے

یہ دنیا خوبصورت