نردھن کا گھر لوٹنے والو لوٹ لو دل کا پیار

نردھن کا گھر لوٹنے والو لوٹ لو دل کا پیار

پیار وہ دھن ہے جس کے آگے سب دھن ہے بے کار

انسان بنو کر لو بھلائی کا کوئی کام

دنیا سے چلے جاؤ گے رہ جائے گا بس نام

اس باغ میں سورج بھی نکلتا ہے لیے غم

پھولوں کی ہنسی دیکھ کے رو دیتی ہے شبنم

کچھ دیر کی خوشیاں ہیں تو کچھ دیر کا ماتم

کس نیند میں ہو جاگو ذرا سوچ لو انجام

انسان بنو

لاکھوں یہاں شان اپنی دکھاتے ہوئے آئے

دم بھر کے لیے ناچ گئے دھوپ میں سائے

وہ بھول گئے تھے کہ یہ دنیا ہے سرائے

آتا ہے کوئی صبح تو جاتا ہے کوئی شام

انسان بنو

کیوں تم نے لگائے ہیں یہاں ظلم کے ڈیرے

دھن ساتھ نہ جائے گا بنے کیوں ہو لٹیرے

پیتے ہو غریبوں کا لہو شام سویرے

خود پاپ کرو نام ہو شیطان کا بدنام

انسان بنو انسان بنو کر لو بھلائی کا کوئی کام

دنیا سے چلے جاؤ گے رہ جائے گا بس نام