پل دو پل کا ساتھ ہمارا

پل دو پل کا ساتھ ہمارا

پل دو پل کے یارانے ہیں

اس منزل پر ملنے والے

اس منزل پر کھو جانے ہیں

نظروں کے شوخ نذرانے

ہونٹوں کے گرم پیمانے

ہیں آج اپنی محفل میں

کل کیا ہو کوئی کیا جانے

یہ پل خوشی کی جنت ہے

اس پل میں جی لے دیوانے

آج کی خوشیاں ایک حقیقت

کل کی خوشیاں افسانے ہیں

پل دو پل کا ساتھ ہمارا

ہر خوشی کچھ دیر کی مہمان ہے

پورا کر لے دل میں جو ارمان ہے

زندگی اک تیز رو طوفان ہے

اس کا جو پیچھا کرے نادان ہے

گمشدہ خوشیوں پہ کیوں حیران ہے

وقت لوٹے اس کا کب امکان ہے

دوستو اپنا تو یہ ایمان ہے

جو بھی جتنا ساتھ دے احسان ہے

عمر کا رشتہ جوڑنے والے اپنی نظر میں دیوانے ہیں

پل دو پل کا ساتھ ہمارا