گیت
ساجن تم بن نیر بہاؤں
پل بھر کو بھی چین نہ پاؤں
رات اندھیر بیرن دنیا
کوئی نہیں دکھیارن کا
تارے جیسے جھوٹے موتی
پھیکا لاگے چاند گگن کا
روؤں تڑپوں اور رہ جاؤں
ساجن تم بن نیر بہاؤں
پھول بنے انگارے پریتم
ڈوب گئے ہیں تارے پریتم
آشا کے جو جال بنے تھے
ٹوٹ گئے ہیں سارے پریتم
کیسے من کو دھیر بندھاؤں
ساجن تم بن نیر بہاؤں
پیپل سونا برگد سونا
مرجھایا ہے چمپا گیندا
کب سے ہے بے رنگ ہتھیلی
سوکھ گیا مہندی کا بوٹا
کس کے لئے کنگنا کھنکاؤں
ساجن تم بن نیر بہاؤں
پنچھی بن بن بول رہے ہیں
وش کانوں میں گھول رہے ہیں
من درپن ویران پڑا ہے
نین کے موتی رول رہے ہیں
کیوں کر الجھی لٹ سلجھاؤں
ساجن تم بن نیر بہاؤں
گڑ میٹھا نہ املی کھٹی
پھیکی پھیکی کھیر اور پوری
ٹوٹ گیا ساون میں جھولا
ٹھنڈی ہولی کالی دوالی
کب تک بارہ ماسہ گاؤں
ساجن تم بن نیر بہاؤں
مأخذ:
شاعر (Pg. 39)
-
- ناشر: ناظر نعمان صدیقی
- سن اشاعت: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
