پریت کی ریت امر ہے

پریت کی ریت امر ہے جگ میں کیسے اس کو نہ مانے کوئی

آنکھ کھلی اب مٹے بہانے کیسے کرے بہانے کوئی

مٹا دھندلکا دل سے غم کا پل میں سکھ کا سورج چمکا

سکھ نے پھیلایا اجیالا اس کو اب پہچانے کوئی

پریت کی ریت امر ہے جگ میں کیسے اس کو نہ مانے کوئی

یوں چمکی جیون کی جیوتی جیسے سیپ میں چمکے موتی

موتی جیسی صورت لے کر آیا رنگ رچانے کوئی

پریت کی ریت امر ہے جگ میں کیسے اس کو نہ مانے کوئی

بھول نے پریم کا بھید سجھایا صبح کا بھولا شام کو آیا

دور کی منزل پاس آ پہونچی بھولا نہ اس کو جانے کوئی

پریت کی ریت امر ہے جگ میں کیسے اس کو نہ مانے کوئی