aadmi bhi aadmi ka raazdan hota nahin

Khalid Hasan Qadiri

aadmi bhi aadmi ka raazdan hota nahin

Khalid Hasan Qadiri

MORE BYKhalid Hasan Qadiri

    aadmī bhī aadmī rāzdāñ hotā nahīñ

    be ḳhabar rahtā hai lekin bad-gumāñ hotā nahīñ

    zahmateñ yaksāñ makān-o-lā-makāñ se kyā huā

    kyā ḳhalāoñ se pare bhī āsmāñ hotā nahīñ

    ham ki ḳhud rah-rav bhī haiñ rahbar bhī haiñ rahzan bhī haiñ

    vaañ pahuñchte haiñ jahāñ par kārvāñ hotā nahīñ

    baḌh ga.e iḳhvān-e-yūsuf se ye iḳhvānus-safā

    pheñk dete haiñ vahāñ jis kuaañ hotā nahīñ

    hai jarāhat-āfrīñ darmān-e-dard-e-lā-davā

    sho.ala kartā hai sharar-bārī dhuāñ hotā nahīñ

    husn-e-be-pardā harīf-e-tāb-e-nazzāra nahīñ

    ho nazar ke sāmne lekin ayaañ hotā nahīñ

    marg-e-be-hañgām apne shahr ma.amūl hai

    log mar jaate haiñ koī nauha-ḳhvāñ hotā nahīñ

    jo bhī ho jis haal meñ hai zindagī us ko aziiz

    jān-e-jāñ kahne se kuchh jān-e-jahāñ hotā nahīñ

    be-adā-kārī bhī ḳhāmoshī se mar jaate haiñ log

    yaañ pe koī khel mirzā sāhebāñ hotā nahīñ

    aadmi bhi aadmi ka raazdan hota nahin

    be KHabar rahta hai lekin bad-guman hota nahin

    zahmaten yaksan makan-o-la-makan se kya hua

    kya KHalaon se pare bhi aasman hota nahin

    hum ki KHud rah-raw bhi hain rahbar bhi hain rahzan bhi hain

    wan pahunchte hain jahan par karwan hota nahin

    baDh gae iKHwan-e-yusuf se ye iKHwanus-safa

    phenk dete hain wahan jis ja kuan hota nahin

    hai jarahat-afrin darman-e-dard-e-la-dawa

    shoala karta hai sharar-bari dhuan hota nahin

    husn-e-be-parda harif-e-tab-e-nazzara nahin

    ho nazar ke samne lekin ayan hota nahin

    marg-e-be-hangam apne shahr ka mamul hai

    log mar jate hain koi nauha-KHwan hota nahin

    jo bhi ho jis haal mein hai zindagi us ko aziz

    jaan-e-jaan kahne se kuchh jaan-e-jahan hota nahin

    be-ada-kari bhi KHamoshi se mar jate hain log

    yan pe koi khel mirza saheban hota nahin

    Source :
    • Book : Sada-e-sher-e-fusu.n (Pg. 69)
    • Author : Khalid Hassan Qadrii
    • Publication : Asif Javed (2001)
    • Edition : 2001
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY