آہنی روزن سے در آتی ہے رات
اور مرے پنجرے میں گہراتی ہے رات
خواب میں دن بھر بہت اڑتا ہوں میں
پھر پروں کے گرد منڈراتی ہے رات
ایک خانہ خواہ اک خانہ بدوش
اس میں میں اور مجھ میں رہ جاتی ہے رات
مجھ پہ اس کا رزق بنتا ہے ضرور
دل پہ میرے نوش فرماتی ہے رات
کس طرح اک ماہ کھا جاتا ہے دن
کس طرح اک مہر کھا جاتی ہے رات
آپ مجھ کو چھوڑ کر مت جائیے
آپ جاتے ہیں تو آ جاتی ہے رات
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
