آنکھ خاموش نظر خالی ہے
آنکھ خاموش نظر خالی ہے
درد کی راہگزر خالی ہے
روشنی سمت بدلنے کو ہے
عرصۂ شمس و قمر خالی ہے
ہاں ملاقات کی ساعت ہے یہی
وقت کا پچھلا پہر خالی ہے
آرزو دل میں نہیں ہے کوئی
ایک مدت سے یہ گھر خالی ہے
اٹھتے جاتے ہیں خریدار جنوں
کیسۂ شعر و اثر خالی ہے
اب کسی دل میں نہیں شوق سفر
جادۂ شہر ہنر خالی ہے
دن گزرتا نظر آتا ہی نہیں
رنگ امکاں سے سحر خالی ہے
صرف دل ہی نہیں سنسان ضیاؔ
روش جاں بھی ادھر خالی ہے
مأخذ:
آدھی بھوک اور پوری گالیاں (Pg. 42)
- مصنف: ضیاء الحسن
-
- ناشر: ملٹی میڈیا افیئرز، لاہور
- سن اشاعت: 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
