آسماں سا مجھے گھر دے دینا

کالی داس گپتا رضا

آسماں سا مجھے گھر دے دینا

کالی داس گپتا رضا

MORE BY کالی داس گپتا رضا

    آسماں سا مجھے گھر دے دینا

    خاک ہو جاؤں تو پردے دینا

    سامنا آج انا سے ہوگا

    بات رکھنی ہے تو سر دے دینا

    جانے کب سے ہے دھندلکوں کا شکار

    نقطے کو شمس و قمر دے دینا

    طالب وقت نہیں ہوں لیکن

    موت تک چار پہر دے دینا

    جو پتہ پوچھیں مرا تم ان کو

    مٹھی بھر گرد سفر دے دینا

    کل کا دن بے خبری کا ہوگا

    سارے پرچوں میں خبر دے دینا

    دے دیا ہے جو قلم ہاتھوں میں

    اب سخن میں بھی اثر دے دینا

    پھر رضاؔ جلوہ نما ہوتا ہے

    من کے اندھوں کو نظر دے دینا

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY