ab kya bataen TuTe hain kitne kahan se hum

ab kyā batā.eñ TuuTe haiñ kitne kahāñ se ham

ḳhud ko sameTte haiñ yahāñ se vahāñ se ham

kyā jaane kis jahāñ meñ milegā hameñ sukūn

nārāz haiñ zamīñ se ḳhafā āsmāñ se ham

ab to sarāb hī se bujhāne lage haiñ pyaas

lene lage haiñ kaam yaqīñ kā gumāñ se ham

lekin hamārī āñkhoñ ne kuchh aur kah diyā

kuchh aur kahte rah ga.e apnī zabāñ se ham

ā.īne se ulajhtā hai jab bhī hamārā aks

haT jaate haiñ bachā ke nazar darmiyāñ se ham

milte nahīñ haiñ apnī kahānī meñ ham kahīñ

ġhā.eb hue haiñ jab se tirī dāstāñ se ham

ġham bik rahe the mele meñ ḳhushiyoñ ke naam par

māyūs ho ke lauTe haiñ har ik dukāñ se ham

ab kya bataen TuTe hain kitne kahan se hum

KHud ko sameTte hain yahan se wahan se hum

kya jaane kis jahan mein milega hamein sukun

naraaz hain zamin se KHafa aasman se hum

ab to sarab hi se bujhane lage hain pyas

lene lage hain kaam yaqin ka guman se hum

lekin hamari aankhon ne kuchh aur kah diya

kuchh aur kahte rah gae apni zaban se hum

aaine se ulajhta hai jab bhi hamara aks

haT jate hain bacha ke nazar darmiyan se hum

milte nahin hain apni kahani mein hum kahin

ghaeb hue hain jab se teri dastan se hum

gham bik rahe the mele mein KHushiyon ke nam par

mayus ho ke lauTe hain har ek dukan se hum