ایسی حالت نہ ہو کسی دل کی
ایسی حالت نہ ہو کسی دل کی
کیا کہوں ہائے بے بسی دل کی
لطف دیکھو کہ وہ سنورتا ہے
لے کے ہاتھوں میں آرسی دل کی
اپنی حالت سنائے وہ کیوں کر
کون سمجھے گا فارسی دل کی
یہ ستم دیکھیے وہ کہتا ہے
غیر ممکن ہے واپسی دل کی
زخم خنداں کو دیکھتے جاؤ
تم نے دیکھی نہیں ہنسی دل کی
دل کا آئینہ روئے عاشق ہے
اس سے ظاہر ہے بے کسی دل کی
اے جمیلہؔ بٹھاؤ حسرت کو
وہ بھی مہمان ہے اسی دل کی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
