apni majburi ko hum diwar-o-dar kahne lage

Shabnam Rumani

apni majburi ko hum diwar-o-dar kahne lage

Shabnam Rumani

MORE BYShabnam Rumani

    apnī majbūrī ko ham dīvār-o-dar kahne lage

    qaid sāmāñ kiyā aur us ko ghar kahne lage

    darj hai tārīḳh-e-vasl-o-hijr ik ik shāḳh par

    baat jo ham tum na kah paa.e shajar kahne lage

    ḳhauf-e-tanhā.ī dikhātā thā ajab shakleñ so ham

    apne saa.e ko apnā ham-safar kahne lage

    bastiyoñ ko bāñTne vaalā jo ḳhat khīñchā gayā

    ḳhat kashīda log us ko rah-guzar kahne lage

    avval avval dostoñ par naaz thā kyā kyā hameñ

    āḳhir āḳhir dushmanoñ ko mo'tabar kahne lage

    dekhte haiñ ghar ke rauzan se jo niilā āsmāñ

    vo bhī apne aap ko ahl-e-nazar kahne lage

    apni majburi ko hum diwar-o-dar kahne lage

    qaid ka saman kiya aur us ko ghar kahne lage

    darj hai tariKH-e-wasl-o-hijr ek ek shaKH par

    baat jo hum tum na kah pae shajar kahne lage

    KHauf-e-tanhai dikhata tha ajab shaklen so hum

    apne sae hi ko apna ham-safar kahne lage

    bastiyon ko banTne wala jo KHat khincha gaya

    KHat kashida log us ko rah-guzar kahne lage

    awwal awwal doston par naz tha kya kya hamein

    aaKHir aaKHir dushmanon ko mo'tabar kahne lage

    dekhte hain ghar ke rauzan se jo nila aasman

    wo bhi apne aap ko ahl-e-nazar kahne lage

    Source :
    • Book : Ghazal Calendar-2015 (Pg. 23.07.2015)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY