اپنی وحشت پہ رو رہا ہوں میں
اپنی وحشت پہ رو رہا ہوں میں
کس پرندے کا گھونسلہ ہوں میں
تیری بینائی ڈھونڈھتی ہے مجھے
تیری آنکھوں کا مسئلہ ہوں میں
مختلف گیت مجھ سے مروی ہیں
مختلف خواب دیکھتا ہوں میں
تیرے لفظوں میں نور بھرتا ہوں
تیری آواز کا دیا ہوں میں
کل میں بیدار خواب گاہ میں تھا
آج چوکھٹ پہ جاگتا ہوں میں
تیری منزل اگر محبت ہے
تیرے رستے کا راستہ ہوں میں
جب گھٹن پر نہ بس چلے آرشؔ
اپنی آنکھوں سے پھوٹتا ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
