بادہ مستی آ کرامت ہو کے میخانے میں آ
بادہ مستی آ کرامت ہو کے میخانے میں آ
چل پری شیشے سے اڑ کر میرے پیمانے میں آ
دوسرا ایسا کہاں اے دشت خلوت کا مقام
اپنی ویرانی کو لے کر میرے ویرانے میں آ
وحشت دل کی نہیں تدبیر جز افسردگی
تنگیٔ زنداں کسی پہلو سے دیوانے میں آ
کر مرتب کچھ نئے انداز سے اپنا بیاں
مرنے والے زندگی چاہے تو افسانے میں آ
چل نکل جائیں ادھر سے اپنی دنیا کی طرف
ہاں تو اے تار نفس تسبیح کے دانے میں آ
پیل زور آپے سے باہر ہو کے جائے گا کہاں
آدمی بن آدمی آ اپنے پیمانے میں آ
دامن فانوس میں اے شمع خود داری نہیں
کسوت ناموس اگر چاہے تو پروانے میں آ
ختم کرنا چاہتا ہوں پیچ و تاب زندگی
یاد گیسو زور بازو بن مرے شانے میں آ
ہو چلی ہے رسم اہل کعبہ ناطقؔ اب تو عام
برہمن بھی مجھ سے کہتا ہے کہ بت خانے میں آ
مأخذ:
Deewan-e-Natiq (Pg. ebook-49 page-37)
- مصنف: ناطق گلاوٹھی
-
- اشاعت: 1976
- ناشر: محمد عبد الحلیم
- سن اشاعت: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
