baat ka apni na jab paya jawab

Khwaja Mohammad Wazir

baat ka apni na jab paya jawab

Khwaja Mohammad Wazir

MORE BYKhwaja Mohammad Wazir

    baat apnī na jab paayā javāb

    ham ye samjhe vo dahan hai lā-javāb

    bāteñ sunvā.īñ lab-e-ḳhāmosh ne

    varna ham dete use kyā kyā javāb

    be-nishāñ hai vo kamar shakl-e-dahan

    kaun shai hai nahīñ jis javāb

    saada kāġhaz bhejā naame ke evaz

    vaañ se aayā bhī to saaf aayā javāb

    pūchhtā gar us kamar maiñ nishāñ

    ġhaib se miltā mujhe is javāb

    tum jo kuchh kahte zabān-e-teġh se

    maiñ dahān-e-zaḳhm se detā javāb

    aaj mujh se baat agar karte nahīñ

    deñge ye but kal ḳhudā ko kyā javāb

    be-dahan vo hai to maiñ huuñ be-zabāñ

    yaar sūrat huuñ maiñ bhī lā-javāb

    kah ke ik misra.a mah-e-nau rah gayā

    ho sakā kab bait-e-abrū javāb

    baat sīdhī jo thā mazkūr-e-qad

    zikr-e-abrū meñ diyā TeḌhā javāb

    kījiye kyā baat us kaj-tab.a se

    degā charḳh-e-vazhgūñ ulTā javāb

    bāteñ kartā hai jo parda chhoḌ kar

    mujh ko detā hai vo dar-parda javāb

    aa gayā ai vaa.e paiġhām-e-ajal

    par na qāsid le ke kuchh aayā javāb

    sun ke baiteñ mere hāsid chup rahe

    ai 'vazīr' apnā suḳhan hai lā-javāb

    baat ka apni na jab paya jawab

    hum ye samjhe wo dahan hai la-jawab

    baaten sunwain lab-e-KHamosh ne

    warna hum dete use kya kya jawab

    be-nishan hai wo kamar shakl-e-dahan

    kaun si shai hai nahin jis ka jawab

    sada kaghaz bheja name ke ewaz

    wan se aaya bhi to saf aaya jawab

    puchhta gar us kamar ka main nishan

    ghaib se milta mujhe is ka jawab

    tum jo kuchh kahte zaban-e-tegh se

    main dahan-e-zaKHm se deta jawab

    aaj mujh se baat agar karte nahin

    denge ye but kal KHuda ko kya jawab

    be-dahan wo hai to main hun be-zaban

    yar ki surat hun main bhi la-jawab

    kah ke ek misra mah-e-nau rah gaya

    ho saka kab bait-e-abru ka jawab

    baat sidhi ki jo tha mazkur-e-qad

    zikr-e-abru mein diya TeDha jawab

    kijiye kya baat us kaj-taba se

    dega charKH-e-wazhgun ulTa jawab

    baaten karta hai jo parda chhoD kar

    mujh ko deta hai wo dar-parda jawab

    aa gaya ai wae paigham-e-ajal

    par na qasid le ke kuchh aaya jawab

    sun ke baiten mere hasid chup rahe

    ai 'wazir' apna suKHan hai la-jawab

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY