بڑی دل شکن ہے رہ سفر کوئی ہم سفر ہے نہ یار ہے
بڑی دل شکن ہے رہ سفر کوئی ہم سفر ہے نہ یار ہے
کہ جواں اثر ہے تمام شے نہ سکون ہے نہ قرار ہے
ذرا تیز گام بڑھے چلو ہے فضائے صحرا مسافرو
جہاں آنکھ دل کی جھپک گئی وہیں زندگی کا مزار ہے
نہ رموز عشق سے با خبر نہ مزاج حسن سے آگہی
یہ مذاق رامش و رنگ بھی رہ راستی سے فرار ہے
نہ کسی میں حسن حیا رہا نہ کسی میں بوئے وفا رہی
ابھی دوش عقل پہ سربسر کوئی دیو مکر سوار ہے
ہے ضمیر زندہ کے واسطے تو بساط گل بھی تباہ کن
مرے ہم جلیس خبر بھی ہے یہی آستین کا مار ہے
تری بے پناہ نوازشیں تری بے حساب عنایتیں
مری روسیاہیٔ گونا گوں کا حساب ہے نہ شمار ہے
تری رحمتوں سے ہے دور کب مری چارہ سازیٔ بے کسی
کسی غم نصیب کی دہر میں یہ سدا سے خاص پکار ہے
نہ کسی سے عدل کی بات کر نہ کسی سے خیر کی رکھ طلب
کہ متاع نور سحر یہاں شب تیرۂ تر پہ نثار ہے
تری پند خیر اثر نہیں تری بندگی بھی غلط نگر
ترا فکر ناصح محترم ابھی مفلسی کا شکار ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.